ۆلاديمير شكولنيك جانارمايدى ءتيىمدى پايدالانۋعا شاقىردى
«بارشا الەمدە ۇنەمدەپ جاتىر جانە بۇنداي قادامدى جۇزەگە اسىرۋ قاجەت. وسى ورايدا مەن جانارمايدى ۇنەمدەۋگە كوشۋگە شاقىرامىن» ، - دەدى مينيستر.
ونىڭ پايىمىنشا، مۇمكىندىگىنشە جۇمىسقا ۇلكەن جول تالعامايتىن كولىكتەرمەن بارۋدىڭ رەتى جوق. بۇل ءوز كەزەگىندە قالا كوشەلەرىندەگى كەپتەلىستەرگە اسەر ەتەدى. سونىمەن قاتار ۆ. شكولنيك ءبىر ۇيدە تۇراتىن ادامدار شاماسى كەلگەنشە ءبىر كولىككە وتىرىپ جۇمىسقا بارۋ ءۇردىسىن ەنگىزۋ كەرەكتىگىن جەتكىزدى.
ۆەدومستۆو باسشىسىنىڭ سوزىنە قاراعاندا، جانارماي باعاسى بۇكىل الەمدە ءوسىپ جاتقان كەزدە ادامدار وسى تەكتەس ءتيىمدى شارالارعا نازار اۋدارۋى قاجەت.
«گەرمانيانى مىسالعا كەتىرەتىن بولساق، ولار ءبىر كولىككە وتىرادى نەمەسە قوعامدىق كولىكپەن جۇرەدى. سوندىقتان بىزگە دە ۇنەمشىل بولعان دۇرىس» ، - دەپ توقتالدى ۆ. شكولنيك.
بۇل تۇرعىدا ول جالعىز ءوزى عانا كولىكپەن جۇرەتىن شەنەۋنىكتەر وسى ماسەلەگە ءمان بەرۋى ءتيىس ەكەندىگىن اتاپ ءوتتى.
اۆتور: رۋسلان عابباسوۆ
