ليۆيادا بۇلىكشىلەر ا ق ش ەلشىلىگىن باسىپ الدى
Fox تەلەكومپانياسى تاراتقان حابارعا قاراعاندا، شابۋىلدى «ليۆيا تاڭى» لاڭكەستىك توبى ۇيىمداستىرعان.
كۋاگەرلەردىڭ ايتۋىنشا، ەلشىلىك عيماراتىنىڭ تەرەزەلەرى شاعىلعان. عالامتوردا جاريالانعان بەينەروليكتە عيمارات ىشىندە بەت-اۋىزىن تۇمشالاعان بەلگىسىز بىرەۋلەردىڭ جۇرگەندىگى ايقىن كورىنگەن.
ليۆيادا 2011-جىلى مۋاممار كاددافي رەجىمى قۇلاعاننان سوڭ ەلدىڭ ىشىندە ءتۇرلى قارۋلى توپتار اراسىندا قاقتىعىستار باستالىپ، جاڭا بيلىك ولاردى تىيا الماي قالدى.
بيىلعى شىلدەدە تريپوليدە اۋىر ارتيللەريا قولدانىلعان قاقتىعىستار ورىن العاننان كەيىن ا ق ش سول ەلدەگى ەلشىلىك قىزمەتكەرلەرىن تۇگەلگە دەرلىك قايتارىپ العان. سودان سوڭ باسقا ەلدەر دە بىرىنەن سوڭ ءبىرى ەلشىلەرىن كەرى قايتارعان.
