الماتى وبلىسىندا جىلىجاي ءونىمىنىڭ كولەمى ارتۋدا
بۇل ءوز كەزەگىندە الماتى قالاسىنىڭ ماڭىندا ازىق- تۇلىك بەلدەۋىن دامىتۋعا كوپ سەپتىگىن تيگىزۋدە دەپ حابارلايدى الماتى وبلىسى اكىمدىگىنىڭ باسپا ءسوز قىزمەتى.
وبلىستىق اۋىل شارۋاشىلىعى باسقارماسىنىڭ مالىمەتىنە قاراعاندا، جالپى وڭىردەگى الماتى وبلىسىنداعى جىلىجايدىڭ 23 گەكتارى جوعارى تەحنولوگيامەن جابدىقتالعان. جىل باسىنان بەرى وبلىس جانە قالا حالقى تۇتىنعان كوكونىستىڭ 6103 تونناسى - وسى جىلىجايلاردىڭ ءونىمى. مۇنىڭ ىشىندە قالا ماڭىنداعى اۋدانداردىڭ ۇلەسى 5310 توننانى قۇراپ وتىر.
جىلىجايلار، اسىرەسە ماۋسىم ارالىق كەزەڭدە حالىقتى كوكونىسپەن قامتاماسىز ەتۋگە، باعانى تۇراقتاندىرۋعا، ازىق- تۇلىك قاۋىپسىزدىگىنە ەلەۋلى اسەر ەتىپ كەلەدى. سوندىقتان الماتى وبلىسىنىڭ كليماتتىق جاعدايى جىلىجايلاردىڭ ءتيىمدى جۇمىس ىستەۋىنە مۇمكىندىك بەرەتىنىن ەسەپكە الا وتىرىپ، جىلىجاي شارۋاشىلىعىن ودان ءارى دامىتۋ ماقساتىندا ا قازىرگى ۋاقىتتا 7,5 گەكتارلىق تاعى 3 جىلىجايدىڭ قۇرىلىسى جۇرگىزىلۋدە. ولاردى ەڭبەكشىقازاق اۋدانىندا «يۋرچەنكو» شارۋا قودجالىعى، قاپشاعاي قالاسىندا «گريند لاند الاتاۋ» جانە «LST ماركەت» ج ش س- لارى الماتى قالاسى ماڭىندا ازىق- تۇلىك بەلدەۋىن دامىتۋ باعدارلاماسى شەڭبەرىندە سالماقشى.
