الماتىلىق ادۆوكات قىتايدا قامالعان ستۋدەنت قىزعا اقىسىز كومەك كورسەتپەك

 تاجىريبەلى ادۆوكات گۋاڭجۋ تۇرمەسىنە قامالعان ستۋدەنت قىزعا اقىسىز كومەك كورسەتپەكشى. ونىڭ ايتۋىنشا، الماتىدا تەرگەۋدىڭ قالاي ءجۇرىپ جاتقانى جايلى مالىمەتتەردى جاريالاۋعا ءالى ەرتە. دەگەنمەن، جارتى جىلعا سوزىلعان تەرگەۋ ءىسى وتانداسىمىزدىڭ اقتالىپ شىعۋىنا سەپتىگىن تيگىزەدى دەگەن ءۇمىت بار.

بۇعان دەيىن اقجارقىن تۇرلىبايدىڭ اناسى كاسىبي قورعاۋشى جالداعانىن حابارلاعانبىز. قازىر قىتايدا ونىڭ قۇقىعىن ەكى ادۆوكات قورعاۋدا. «ءبىز تەرگەۋ ورگاندارى مەن اقجارقىننىڭ وتباسىنا كومەكتەسەمىز. قازىر بارلىق قاجەتتى دەرەكقوردى ازىرلەپ، ونى قىتايلىق ارىپتەستەرىمىزگە جولداۋ ماقساتىندا راسىمدەپ جاتىرمىز» ، - دەدى ادۆوكات.

جات جۇرتتا تەمىرتورعا قامالعان ستۋدەنتكە قاتىستى قىلمىستىق ءىس بويىنشا تەرگەۋ اياقتالۋعا جاقىن. ال ونىڭ ادۆوكاتتارى الماتىدا قىركۇيەكتە باسپا ءسوز ءماسليحاتىن وتكىزۋدى جوسپارلاپ وتىر. اقجارقىن تۇرلىبايدىڭ گۋاڭجۋ قالاسىنىڭ تەرگەۋ اباقتىسىندا وتىرعانىنا 5 ايدان استى. ول ناۋرىزدا الەنا ەسىمدى كەلىنشەكتىڭ ءوتىنىشى بويىنشا كورشى ەلگە الماتىدان اتتانىپ، قىتاي- مالايزيا اۋەجايىندا تۇتقىندالعان ەدى. وعان مالايزياعا ەسىرتكى زاتىن زاڭسىز تاسىمالدادى دەگەن كۇدىكپەن ايىپ تاعىلىپ، قىلمىستىق ءىس قوزعالعان بولاتىن.

اقپارات كوزى : Nur.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى