الەمدە ءبىر- بىرىنە تۇكىرىپ امانداساتىن حالىقتا بار
دۇنيەجۇزىندە نەشە ءتۇرلى ۇلت قاۋىمداستىعى بار دەپ ەسەپتەسەك، ولاردىڭ ءارقايسىسىندا وزىنە ءتان امانداسۋ سالتى بولادى. تومەندە بىرنەشە ەلدىڭ سالەم سالۋ تۇرلەرى بەرىلگەن.
تۋنيس ەلىنىڭ تۇرعىندارى كوشەدە كەتىپ بارا جاتقان كەزدە ءبىر- بىرلەرىمەن الدىمەن ەكەۋ ارا ەڭكەيىپ، وڭ قولىن ماڭدايىنا، كەيىن ەرنىنە، سودان جۇرەگىنە قويىپ امانداسادى ەكەن. ونىڭ ماعىناسى: «مەن ءسىز تۋرالى ويلايمىن، مەن ءسىز تۋرالى سويلەيمىن، مەن ءسىزدى سىلايمىن».
تونگا ەلىنىڭ حالقى تانىس اداممەن جولىعا قالسا، بەلگىلى ءبىر اراقاشىقتىقتا توقتاپ، باسىن يزەپ، اياقتارىمەن جەردى تەپكىلەي ساۋساقتارىن شىقىلداتادى. جاپوندىقتار ءيىلىپ سالەمدەسەدى. ەسكيموستار قولدارىن جۇدىرىققا جۇمىپ، باسى مەن يىقتارىن سوعىپ امانداسادى. جاڭا گۆينەيانىڭ كوي- ري تايپاسى يەكتەرىن قىتىقتاپ امانداسادى. افريكا قۇرلىعىنداعى كەنيا مەملەكەتىنىڭ اكامبا ءناسىلى ىزگى ءىلتيپات رەتىندە ءبىر- بىرىنە تۇكىرەدى.
ورتالىق افريكاداعى زامبيا رەسپۋبليكاسىنىڭ جۇرتى كورىسكەندە الاقاندارىمەن شاپالاقتاپ، ريەۆەرانس جاسايدى. گرەنلانديالىقتار جۇزدەسكەندە فورمالدى سالەمدەسۋلەر جاسامايدى، ءبىراق ولار «اۋا رايى تاماشا» دەپ ءسوز ايتادى.
بوتسۆان - افريكانىڭ وڭتۇستىك بولىگىندە ورنالاسقان، شاعىن عانا اۋماقتى قامتيتىن، كالاحاري ءشولىنىڭ مەملەكەتى. ولار ءداستۇر بويىنشا امانداسقاندا «پۋلا» دەيدى. ول «جاڭبىر جاۋسىن» دەگەن تۇسىندىرمە بەرەدى. قول الىسىپ امانداسۋ تاريحى اڭىز بويىنشا العاشقى كەزدەرى ادامداردىڭ ءبىر- ءبىرىنىڭ قولىندا قارۋ- جاراق جوق ەكەنىن كورسەتكەن. ول ۋاقىتتا ەلدەر مۇنى بەيبىتشىلىك ماقساتتا كەلىپ، جامان نيەتى جوق بولۋى ءتيىس دەپ جورامالداعان.
massaget.kz
