استانالىق باتىر انا ونىنشى بالاسىن بوسانۋعا ءوز كولىگىمەن بارعان - فوتو

 دەپ جازادى «استانا اقشامى» گازەتىنىڭ ءتىلشىسى ادىلبەك جاپاق.

 «استانالىق ۇلداناي الىمبايەۆا ونىنشى پەرزەنتىن امان- ەسەن بوساندى. دۇنيەگە كەلگەن شەكەسى تورسىقتاي ۇلدىڭ ەسىمىن جانگەلدى دەپ قويىپتى. ءسابيدىڭ سالماعى - 4 كەلى 700 گرام، بويى - 58 سانتيمەتر. دارىگەرلەر انانىڭ دا، نارەستەنىڭ دە دەنساۋلىعى وتە جاقسى دەيدى. ەڭ قىزىعى، توعىز قۇرساق كوتەرگەن استانالىق كوپ بالالى باتىر انا ۇلداناي پەرزەنتحاناعا بوسانۋعا جەدەل جاردەممەن ەمەس، ءوزى رولگە وتىرىپ، كولىگىمەن باردى. ال، جانگەلدىنى قىرقىنان شىعارعان سوڭ، جۇمىسقا كىرىسەمىن دەپ جوسپارلاپ وتىر» ، دەيدى باسىلىم ءتىلشىسى.

 ايتا كەتۋ كەرەك، «استانا اقشامى» گازەتى «كۇندە كەزدەسە بەرمەيتىن كەيىپكەر» ايدارىمەن كوپ بالالى وتباسى تۋرالى باسىلىمنىڭ 7 - تامىز، 2014 - جىلعى №87 سانىندا «ۇلىڭ بولسىن ونشاقتى، قىزىڭ بولسىن مونشاقتى» دەگەن تاقىرىپتا ارنايى ماقالا ارناعان بولاتىن.

 وندا «استانا پالاۋ ورتالىعىنىڭ» يەسى ۇلداناي الىمبايەۆا مەن ونىڭ جولداسى ابدىكارىم الىمبايەۆ وتباسى تۋرالى كەڭىرەك جازىلدى.

 «استاناعا 2004 - جىلى كوشىپ كەلگەن ەدىك. ابدىكارىم كىشىگىرىم قۇرىلىس فيرماسىن قۇرىپ، قالانىڭ كوركەيۋىنە اتسالىسۋدا. ءتورت بالامەن كەلدىك، كەلگەلى بەس قۇرساق كوتەردىم» ، - دەيدى سۇحباتىندا ىسمەر، كاسىپكەر كەلىنشەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى