بۇگىن الماتىدا جاڭا ساۋدا ويىن-ساۋىق ورتالىعى اشىلدى - فوتو

جاڭا ساۋدا نىسانىنىڭ كونستيتۋتسيا كۇنى مەرەكەسىنە سايكەس كەلگەن سالتاناتتى اشىلىمىنا الماتى قالاسىنىڭ اكىمى احمەتجان ەسىموۆ، «قازاقستان حالىق بانكى» ا ق ديرەكتورلار كەڭەسىنىڭ ءتوراعاسى الەكساندر پاۆلوۆ، «قازاقستان حالىق بانكى» ا ق باسقارما ءتورايىمى ءۇمىت شاياحمەتوۆا جانە «استانا» كومپانيالار توبىنىڭ پرەزيدەنتى نۇرلان سماعۇلوۆ قاتىستى.

«الماتىدا وسىمەن ءۇشىنشى «مەگا» ساۋدا ويىن-ساۋىق ورتالىعى اشىلىپ وتىر. بۇل دا الماتىلىقتاردىڭ تۇرمىس دەڭگەيىنىڭ جوعارىلاپ جاتقاندىعىن كورسەتسە كەرەك. ءبىز 90- جىلداردا قولدانىلعان ساۋدا-ساتتىق جۇيەدەن جاڭا، وركەنيەتتى ساۋداعا كوشىپ جاتىرمىز. مىنا ورتالىقتا بارلىق جاعداي جاسالعان.

مۇندا ادامدار ساۋدا جاساۋ ءۇشىن عانا ەمەس، دەمالۋ ءۇشىن دە بۇكىل وتباسىمەن كەلە الادى. ورتالىقتىڭ قۇرىلىسىنا جالپى 23 ميلليارد تەڭگە جۇمسالعان. جالپى اۋماعى 105 مىڭ شارشى مەتر. 100 دەن استام دۇكەن جۇمىس ىستەيدى. بۇل الەۋمەتتىك جاعىنان وتە ماڭىزدى جوبا»، - دەدى ءوز سوزىندە احمەتجان ەسىموۆ.

ايتا كەتەلىك، جاڭا ساۋدا ويىن-ساۋىق ورتالىعىنىڭ كوممەرتسيالىق اۋدانىنىڭ كولەمى 46333 شارشى مەتردى قۇرايدى. سونىمەن قاتار، مۇندا 23 كافە مەن مەيرامحانا جانە 1000 ورىندىق «مەيرامحانالىق اۋلا»، ياعني فۋدكورت تاماقتانۋ ورنى جۇمىس ىستەيدى.

سوڭعى سەگىز جىل ىشىندە ەلىمىزدىڭ كوپتەگەن قالالارىندا جالپى اۋدانى 391832 شارشى مەتر بولاتىن بەس «مەگا» ساۋدا ويىن-ساۋىق ورتالىعى اشىلىپتى.

ءسوز سوڭىندا قالا باسشىسى احمەتجان ەسىموۆ «MEGA» ساۋدا ويىن-ساۋىق ورتالىقتارىنىڭ مەنشىك يەسى - Astana Group كومپانياسىنىڭ پرەزيدەنتى نۇرلان سماعۇلوۆتىڭ الماتى قالاسى ءۇشىن سىڭىرگەن ەڭبەكتەرىن باعالاپ، اتالمىش نىساندى «MEGA Park» ەمەس، «نۇر مەگا» دەپ اتاۋدى ۇسىندى. جينالعان جۇرتشىلىق جىلى شىرايمەن قول شاپالاقتاپ قولداۋ كورسەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى