اۋعاندىقتار قاجىلىق كەزەگىن ءۇش جىل كۇتەدى
ايتا كەتەيىك، بيىلعى جىلى اۋعان ەلىنەن 24000 جان قاجىلىق پارىزىن وتەۋگە بارادى. «بالالارىم مەنى قاجىلىققا جىبەرۋ ءۇشىن قانشاما جىلدار بويى ەڭبەكتەنىپ، جۇمىس ىستەدى. اقىرى، مىنە، بۇعان دا قولىم جەتتى» ، - دەيدى باقىتتان بال- بۇل جانعان اگا.
الايدا، اگانىڭ ءالى اتتاي ءۇش جىل كۇتۋىنە تۋرا كەلەدى. جاڭادان قابىلدانعان ەرەجە بويىنشا، ءتيىستى قارجى جينالىپ بولعاسىن قاجىلىققا باراتىندار ءۇش كولەمىندە كۇتە تۇرادى.
اۋعانستاندا جاڭا زاڭ قابىلدانباي تۇرعاندا، قاجىلىققا باراتىندار داۋىس بەرۋ ارقىلى انىقتالاتىن ەدى. الايدا، اۋعانستاننىڭ قاجىلىق جانە ءدىن مينيسترلىگىنىڭ جاڭا ءزاىى بويىنشا، ەندى كەز كەلگەن جان جولدامانى ءۇش جىل بۇرىن يەلەنىپ قويسا بولادى. ال، اقشاسىن بىردەن تولەۋى ءتيىس.
كوپتەگەن جاندار مينيسترلىكتىڭ بۇل ەرەجەسىن سىنعا العانىمەن، قۇزىرەتتى ورىنداعىلار بۇنداي ەرەجەنىڭ تۇركيا، يران جانە مالايزيا سەكىلدى مۇسىلمان مەملەكەتتەرىندە جەمىستى جۇمىس جاساپ تۇرعانىن العا تارتۋدا.
