قازاق ونەرىنىڭ ساڭلاقتارى: ەستاي بەركىمباي ۇلى

 ول كەدەي وتباسىندا تۋعان. ەستاي اندىك- اقىندىق ورتادا وسكەن، اناسى كۇليپا مەن اعاسى بايتولىم بەلگىلى انشىلەر بولعان. ەستاي ولاردان جىر، داستاندار مەن تولعاۋلاردى ورىنداۋ مانەرىن ۇيرەنگەن. 16 جاسىندا حالىق اندەرىن تالانتتى ورىنداۋشى، حالىقتىق مۋزىكا ءداستۇرىن جالعاستىرۋشى تۇلعا. 20 جاسىندا ەرتىس اتىرابىنا بەلگىلى ءانشى بولدى. وسى ونەردىڭ ارقاسىندا كوپ جەرلەردى (قاراوتكەل، سەمەي، كەرەكۋ، زايسان، تارباعاتاي، جەتىسۋ) ارالايدى. سۇلۋ كوكشە مەن بايانعا بارادى. بۇل ساپارىندا بىرجانمەن كەزدەسىپ، ونىڭ ونەرىنەن ءتالىم الدى.

ءانشى- سازگەرلەر ءبىرجان، اقان سەرى مەن جارىلعاپبەردىنىڭ ونەر- ونەگەسىنەن سۋسىنداعان ەستاي ولاردىڭ تەك انشىلىك- ورىنداۋشىلىق ونەرىن عانا ەمەس، سازگەرلىك ونەرىن دە ىلگەرى دامىتتى: كوپتەگەن اندەر ("ءبىر مىسقال"، "مايدا قوڭىر". "اشۋ - پىشاق"، "شوق قارا اعاش") شىعاردى، ەستايدىڭ ءانشى- اقىندىق، سازگەرلىك تالانتىن بۇكىل قازاق ساحاراسىنا ءماشھۇر ەتكەن ءانى - "قورلان". وسى شىعارماسىمەن كلاسسيك سازگەرلەردىڭ قاتارىنان ورىن الدى.  "قورلان" - ەستاي شىعارمالارىنىڭ شىڭى، جۇرەگى (جۇبانوۆ ا. , زامانا بۇلبۇلدارى، ا. , 1963, 248-بەت) . "قورلان" ءانىن م. تولەبايەۆ " ءبىرجان- سارا" وپەراسىندا، ە. گ. برۋسيلوۆسكي "ەر تارعىن" وپەراسىندا، س. ي. شابەلسكي مەن ل. م. شارگورودسكي "قوبىز بەن وركەسترگە ارنالعان كونتسەرتىندە" (2-بولىمىندە) شىعارماشىلىقپەن پايدالاندى. جاڭا ءومىر جايىندا "تۋدى كۇنىم"، ء"ومىر" اتتى اندەر شىعاردى. 1939ج. الماتىعا كەلىپ، كوپ اندەرىن نوتاعا ءتۇسىرتتى. انشىلىك اقىندىق سايىستارعا قاتىسىپ، جامبىلمەن نەشە رەت كەزدەستى. سول جىلى قازاقستان جازۋشىلار وداعىنىڭ II سەزىنە قاتىستى. ۇلى وتان سوعىسى جىلدارىندا مادەني- ۇگىت بريگاداسىندا اسەم انىمەن، جالىندى جىرىمەن حالىقتى جەڭىسكە جىگەرلەندىردى. 1945 ج. ابايدىڭ تۋعانىنا 100 -جىل تولۋ مەرەكەسىنە قاتىستى. مۇندا نارتاي، نۇرلىبەك ت. ب. اقىندارمەن ايتىسقا ءتۇستى. وعان ارناپ م. الىمبايەۆ "ەستاي- قورلان" پوەماسىن (1968) جازدى. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى