كەنتاۋلىق ۇستاز الەمدەگى ەڭ ۇزىن كونستيتۋتسيا كىتابىن جاسادى
ۇزىندىعى ەكى ءجۇز مەتر، ەنى 80 سانتيمەتر بولاتىن كىتاپتى مۇعالىم اتا زاڭىمىز اتالىپ وتەتىن كۇنى قارساڭىندا ارنايى جاساتقان. ءبىر اي بويى ونىڭ كولەمىن ويلاستىرىپ، كەيىن جەرگىلىكتى اكىمدىككە بارىپ جوسپارىن جەتكىزىپتى. شەندىلەردىڭ قولداۋىمەن 300 پاراقتان تۇراتىن كىتاپتى قازاق جانە ورىس تىلدەرىندە جاساپ شىعارعان.
سوسىن بىردە-ءبىر قاتەسى جوق كىتاپتى كەنتاۋداعى تاۋەلسىزدىك اللەياسىندا پاراقتاپ كورسەتىپ، تۇرعىنداردى تاڭعالدىردى. ءبىر قىزىعى، تۇرار رەكوردقا لايىقتى وسى جۇمىسىن ازىرگە ۇيدە ساقتاپ وتىر، دەپ حابارلايدى ك ت ك تەلەارناسى.
«ونى باسىپ شىعارۋدىڭ وزىنە 12 ساعات ۋاقىت كەتتى. اينالاسىن جابىستىرىپ شىعۋعا 10 كۇن جۇمسالدى»، - دەيدى كەنتاۋ قالاسىنىڭ تۇرعىنى تۇرار وماروۆ.
