قازاق ونەرىنىڭ ساڭلاقتارى: روزا رىمبايەۆا

 روزا رىمبايەۆا شىعىس قازاقستان وبلىسىنداعى جالعىزتوبە ستانساسىندا تەمىرجولشىلار وتباسىندا دۇنيەگە كەلگەن. 1974 - جىلى سەمەيدەگى مۋزىكالىق ۋچيليشەگە ءتۇسىپ، 3 جىل وقىدى.

 بۇدان كەيىن الماتىداعى تەاترالدىق- كوركەمونەر ينستيتۋتىندا وقىپ، ونى 1984 - جىلى ءتامامدايدى. الماتى قالاسىنداعى تەاترلىق كوركەمدىك ينستيتۋتتىڭ مۋزىكالىق درامالىق كومەدياسى فاكۋلتەتىن بىتىرگەن.

1976-1979 - جىلدارى رەسپۋبليكالىق گۇلدەر جاستار - ەسترادالىق ءانسامبلىنىڭ سوليسى، 1977 - جىلى «التىن ورفەيدى» جەڭىپ الادى. 1979 - جىلى - «قازاق كونسەرت» بىرلەستىگى جانىنداعى «اراي» ەسترادالىق ءانسامبلىنىڭ سوليسى. ءانشىنىڭ حالىقارالىق دەڭگەيدە تانىمال بولۋى س. بايتەرەكوۆتىڭ «ءاليا» ءانىن ورىنداۋىنان باستالدى. 1979 - جىلى روزا رىمبايەۆا ىستامبۇلدا وتكەن حالىقارالىق انشىلەر بايقاۋىندا لاۋرەات اتاندى، 1983 - جىلى كۋبادا وتكەن «گالا - 83» حالىقارالىق بايقاۋىندا باس جۇلدەنى جەڭىپ الدى.

 ونىڭ ورىنداۋىنداعى قازاق كومپوزيتورلارى ت. ەرەشيەۆتىڭ «گۇلدەنە بەر، تۋعان جەر» ، ن. تىلەنديەۆتىڭ «كۋا بول» ، ب. بايقاداموۆتىڭ «ايگولەك» ، ج. تۇياقبايەۆتىڭ «اتامەكەن» ، ت. سارىبايەۆتىڭ «وتانداستار» اندەرى تىڭداۋشىلاردىڭ ۇلكەن ىقىلاسىنا بولەنگەن. «ءبىر بالا» ، «ساۋلەم- اي» ، «كەبەك» ، «نازقوڭىر» ، «اگۋگاي» ءتارىزدى حالىق اندەرىن ول وزىندىك ەرەكشەلىكپەن ورىندايدى. روزا رىمبايەۆا سونداي- اق كينواكتريسا رەتىندە دە تانىمال.

 كوپتەگەن حالىقارالىق كونكۋرستاردىڭ گران- پري يەگەرى بولعان روزا رىمبايەۆا 22 جاسىندا قازاقستاننىڭ ەڭبەك سىڭىرگەن ءارتىسى، 29 جاسىندا قازاقستاننىڭ حالىق ءارتىسى اتاندى. 1977-1979 - جىلدارى «پەسنيا گودا» فەستيۆالىنىڭ سىىنىندا ونەر كورسەتتى جانە ك س ر و- نىڭ ەڭ ۇزدىك وندىعى «زۆۋكوۆايا دوروجكا» حيت- پارادىندا (1978 ج. 3- ورىندا اللا پۋگاچيەۆا جانە سوفيا روتارۋدان كەيىن) جوعارى ورىننان كورىنىپ، ۇلكەن تانىمالدىلىققا يە بولدى.

 قازاقستاننىڭ حالىق ءارتىسى (1986) ، حالىقارالىق كونكۋرستاردىڭ لاۋرەاتى. «قۇرمەت» جانە «پاراسات» وردەندەرىنىڭ يەگەرى. قىرعىزستاننىڭ (2000) جانە وزبەكستاننىڭ (1984) ەڭبەك سىڭىرگەن ءارتىسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى