الەمدەگى ءجۇنى ەڭ قالىڭ قوي رەكوردتار كىتابىنا ەنۋى مۇمكىن
ول وسىعان دەيىن بىردە- ءبىر رەت قىرىقتىققا ىلىكپەگەن. وسىنىڭ كەسىرىنەن جانۋاردىڭ كوزى دۇرىس كورمەي، ءجۇرىپ- تۇرۋى دا قيىنداپ كەتكەن.
اۆستراليالىق فەرمەرلەر ونى تاسمانيا ارالىنداعى جايىلىمنىڭ اراسىنان تاۋىپ العان. ءتىپتى اشا تۇياقتى جانۋارعا «شون» دەگەن ەسىم دە بەرگەن. ول قوزى كەزىندە وتاردان ءبولىنىپ، ايدالادا جالعىز قالىپ قويعانعا ۇقسايدى. ەندى اۆستراليالىقتار «شون» الەمدەگى ەڭ قالىڭ ءجۇندى قوي دەگەن اتاققا يە بولىپ، رەكوردتار كىتابىنا ەنەتىندىگىنە سەنىم مول. ونىڭ ءجۇنىن قىرىقتىرعان سوڭ، ەلدەگى اۋىلشارۋاشىلىعى كورمەلەرىنە جىبەرىلمەك.
پيتەر حەيزەل، فەرمەر:
- ول ءتىپتى دۇرىس كورە دە المايدى، سەبەبى ءجۇنى ونىڭ بەتىن باسىپ كەتكەن. مەن ونى ۇستاپ الدىم، سوسىن ايەلىم ەكەۋىمىز ونى كولىكتىڭ ارتىنا سالىپ اۋىلعا اكەلدىك.
www.24.kz
