الماتى پوليتسياسىنىڭ اۆتوپاركى جاڭا كولىكتەرمەن تولىقتى - فوتو

«وسى جىلى قوعامدىق ءتارتىپتى قاداعالاۋ جۇمىستارىنا 12 ميلليارد تەڭگە كولەمىندە قارجى ءبولىندى. ونىڭ ىشىندە 2 ميلليارد  تەڭگە ماتەريالدىق- تەحنيكالىق جابدىقتاۋعا، جۇمىسشىلاردى ىنتالاندىرۋعا جۇمسالدى.

بۇگىنگى 105 كولىك تە سىزدەردىڭ جۇمىسقا دەگەن ىنتالارىڭىزدى، مۇمكىندىكتەرىڭىزدى ارتتىرۋ ءۇشىن بەرىلىپ وتىر. سىزدەردىڭ ارالارىڭىزدا ءوز جۇمىسىنا ادال قارامايتىن وفيتسەرلەر بار. كونستيتۋتسيا (اتا زاڭ) كۇنى قارساڭىندا ول تۋرالى ايتپاۋ كەرەك ەدى. ءبىراق، مەن ماسەلە شەشىلگەنشە ايتاتىن بولامىن» ، - دەدى قۇتتىقتاۋ سوزىندە قالا اكىمى احمەتجان ەسىموۆ.

اتالعان كولىكتەردىڭ بارلىعى وتاندىق «اگرو ماش حولدينگ» كومپانياسىنىڭ اۆتو ءوندىرىس الاڭىنان شىققان.

ولاردىڭ بارلىعى ق ر ءى ءى م تالاپتارىنا ساي جارىق- دابىل قۇرالىمەن جابدىقتالىپ، مەملەكەتتىك رامىزبەن بەزەندىرىلدى.

«قازىر قالالىق ءى ءى د بارلىق بولىمشەلەرى كولىكتەرمەن قامتىلدى. قالانىڭ 7 اۋدانىنداعى كەزەكشى بولىمدەرى، ايداۋىل قىزمەتىنىڭ جەكە باتالونىنا 22 شاعىن اۆتوبۋس بەرىلدى. سونداي- اق، «پەجو» ماركالى 73 جەڭىل كولىگى جول- پاترۋلدىك پوليتسيا قىزمەتكەرلەرىنىڭ يگىلىگىنە تاپسىرىلدى. «شانس» ماركالى 10 كولىكتى ۋچاسكەلىك ينسپەكتورلەر الدى» ، - دەدى قالالىق ءى ءى د باسپا ءسوز قىزمەتىنىڭ جەتەكشىسى سالتانات ازىربەك.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى