قازاقستاندا قۇرىلاتىن يادرولىق بانكتىڭ قانشاعا تۇسەتىنى بەلگىلى بولدى

ونىڭ اتاپ كورسەتكەنىندەي اتالمىش بانكتىڭ قۇرىلۋى - الەمدە بەيبىت اتوم ەنەرگەتيكاسىنىڭ دامۋىنا عانا ەمەس، جاپپاي قىرىپ-جويۋ قارۋىن تاراتپاۋ جانە ودان ازات ەتۋ رەجىمىن نىعايتۋعا دا ۇلكەن سەرپىن بەرمەك. بانك ۋراندى بايىتۋ قۋاتتارىن قۇرماعان ەلدەرگە ۋران تاپشىلىعىن سەزىنبەۋگە، وقىستان ۋران جەتكىزىلىمى توقتاتىلعان كەزدە قامتاماسىز ەتۋگە مۇمكىندىك جاسايدى.

«ولارعا ۋران بايىتۋدىڭ تولىق سيكلدى ءوندىرىسىن جاساۋ كەرەك ەمەس بولادى. وسىلايشا يادرولىق تەحنولوگيالاردىڭ الدەكىمدەردىڭ قولىنا تارالىپ كەتۋىنەن ساقتايدى»، - دەدى ب. سادىقوۆ.

بانك ورنالاستىرىلاتىن جەر دە تاڭدالعانى بەلگىلى، ول - ءۇلبى مەتاللۋرگيالىق زاۋىتى اۋماعىندا سالىنادى. ءۇلبى مەتاللۋرگيالىق زاۋىتى جاقسى قورعالعان جانە ۋرانمەن 60 جىل بويى جۇمىس جاساپ كەلەدى. قازاقستان ينفراقۇرىلىمنىڭ دامۋىنا، جوعارى بىلىكتى ماماندارمەن قامتاماسىز ەتۋگە جانە سەنىمدى قورعاۋ جۇيەلەرىن ورناتۋعا جاۋاپ بەرەتىن بولادى.

«سونىمەن بىرگە ماگاتە - وزدەرى قۇرعان نىسانداردا قورعانىستىڭ ەڭ سەنىمدى ستاندارتتارىن ەنگىزگەن وتە بەدەلدى حالىقارالىق ۇيىم»، - دەدى ديپلومات.

جاڭا نىساندار زاۋىت اۋماعىندا سالىنبايدى، سەبەبى قازىردىڭ وزىندە قاجەتتى قويمالار قولدا بار. دەگەنمەن بانكتى قۇرۋعا ءبىرشاما قاراجات قاجەت. ماسەلەن، ا ق ش پەن يادرولىق قاۋىپتىڭ الدىن الۋ امەريكالىق قورى 50 ميلليون دوللاردان قارجى بولۋدە. ب ا ءا مەن كۋۆەيت - 10 ميلليون دوللاردان، نورۆەگيا 5 ميلليون دوللار سالىپ وتىر. قازاقستان تاراپى قاراجات سالمايدى، تەك ۋران گەكسوفتوريدىن ساقتاۋعا ارنالعان 60 ءسيليندرلى قويمانى پايدالانۋعا بەرەدى.

«ەشقانداي قاۋىپ جوق ودان. ەكولوگيالىق قاۋىپسىزدىكتى تاجىريبەلى زاۋىت قامتاماسىز ەتپەك. تەرروريستەر ءۇشىن بۇل نىسان قىزىقتى ەمەس. قازىرگى ۋاقىتتا ماگاتە حاتشىلىعىمەن اتالمىش بانكتى ورنالاستىرۋ جونىندە كەلىسسوزدەر وتۋدە. قازاقستان دەلەگاتسياسى قۇرامىنا شامامەن 10 مينيسترلىك كىرگەن. سوندىقتان قازاقستان مۇددەسى مۇندا تولىعىمەن قورعالاتىن بولادى»، - دەپ اتاپ ءوتتى ول.

 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى