ءۇندى قىزدارىنىڭ سۇلۋلىق سىرى
ءۇندى جۇپارگۇلى دەگەن اتپەن دە تانىمال اعاش ءۇندى ارۋلارىنا كەز كەلگەن جاستا تارتىمدى بولۋعا كومەكتەسەدى. ولار نيم جاپىراعىنىڭ مايىن دا، ۇنتاعىن دا پايدالانادى، ويتكەنى بۇل اعاش عاجايىپ قاسيەتتەرگە يە. ونى تەرى رەڭكىن جاقسارتۋ ءۇشىن، بەزەۋلەر مەن قارا نۇكتەلەردى كەتىرۋ ءۇشىن جانە قايىزعاقتان ارىلۋ ءۇشىن پايدالانۋعا بولادى. نيم تەرىنى تاماشا ىلعالداندىرادى جانە تەرى مايىنىڭ شىعۋىن رەتتەيدى.
قاراعانعا ۇقساس بۇل وسىمدىكتىڭ قۇرامىندا «س» دارۋمەنى كوپ بولعاندىقتان ءۇندى ارۋلارىنىڭ سۇلۋلىعىنا كوپتەپ سەپتىگىن تيگىزۋدە. املا مايى تەرىنىڭ قارتايۋ بەلگىلەرىنىڭ الدىن الىپ، شاشتى قالپىنا كەلتىرۋگە كومەكتەسەدى. املانىڭ شىرىنى، ۇنتاعى، مايى شاشتى قورەكتەندىرىپ، قايىزعاق تۇسپەۋىن قامتاماسىز ەتەدى.
ساندال اعاشىنىڭ ۇنتاعى ءۇندى كوسمەتولوگياسىندا مىڭداعان جىلدار بويى پايدالانىلىپ كەلەدى. ونى تەرى رەڭىنىڭ ساۋلىعىن قامتاماسىز ەتەتىن سكرابتار مەن ىلعالداندىراتىن ماسكالار جاساۋ ءۇشىن پايدالانادى. ءسۇت، بال نەمەسە بادام مايىمەن ارالاسقان ساندال اعاشى دەنە تەرىسىن ىلعالداندىرادى جانە قارا نۇكتەلەر مەن بەزەۋلەرمەن تاماشا كۇرەسەدى.
كۋركۋما ايۋرۆەدانىڭ قابىنۋدى ەمدەيتىن باستى قۇرالدارىنىڭ ءبىرى بولعان. ونى قازىرگى تاڭدا دا كوسمەتولوگيا مەن اسپازدىقتا بىردەي پايدالانادى. كۋركۋما بەزەۋلەرمەن كۇرەسۋدە جاقسى كومەكتەسەدى، سونىمەن قاتار اجىمدەردى تەگىستەۋدە تاماشا اسەر ەتەدى. ال ەگەر كۋركۋما ۇنتاعىن مايمەن ارالاستىرسا، تاباننىڭ جارىلۋىن ەمدەيدى.
ءۇندى ايەلدەرى ءجيى پايدالاناتىن تەرىنى تۇلەتەتىن قۇرال. نۇت ۇنىن ءسۇت نەمەسە قايماقپەن ارالاستىرىپ سابىن نەمەسە سۋسابىندى الماستىرۋعا بولادى. ال قىشقىل ورتامەن بايلانىسقا تۇسكەندە، مىسالى ليمون شىرىنىمەن، نۇت تەرىنى تازالاي الادى.
ال قىزىل سۋ - قابىنۋعا قارسى ارەكەت ەتەتىن قاسيەتىنىڭ ارقاسىندا تىتىركەنگەن تەرى مەن بەزەۋلەردى ەمدەيتىن تاماشا تابيعي قۇرال. ءۇندى قىزدارى ونى كوبىنە بەتتى بۋلاعان سوڭ، تەرىدەگى ۇساق تەسىكتەردى جابۋ ءۇشىن پايدالانادى. سونىمەن قاتار ول كوز استىنداعى قارا داقتاردى كەتىرەدى. ال قىزىل سۋدى تابيعي تونيك رەتىندە دە پايدالانۋعا بولادى.
تەرىنى تابيعي تازارتۋ مەن شاشتى قورەكتەندىرەتىن تاعى ءبىر تاماشا قۇرال. ادەتتە ءۇندى ايەلدەرى سۋسابىننىڭ ورنىنا وسى قاراعاننىڭ اتباس بۇرشاقتارىنان جاسالعان پاستانى پايدالانادى.
قۇرامىنداعى ءتۇرلى مينەرالداردىڭ ارقاسىندا بالشىق مايلى تەرىنىڭ كۇتىمىنە جاقسى اسەر ەتەدى. ونى كوبىنە بەزەۋگە قارسى ماسكالارعا قولدانادى.
ۇيىعان ءسۇت ءۇندى اسپازدىعىندا وتە تانىمال، الايدا كوسمەتولوگيادا دا پايدالانۋ جاعىنان دەس بەرمەيدى. بەت تەرىسىنە ارنالعان ماسكالار قۇرامىنداعى ۇيىعان ءسۇت تەرىنىڭ اقاۋلارىن ەمدەيدى، ال شاش شايعىشتىڭ ورنىنا پايدالانعاندا - قۇرعاق شاشتى تاماشا ىلعالداندىرادى. قۇرامىنداعى مىرىشتىڭ ارقاسىندا ۇيىعان ءسۇت كۇنگە كۇيۋ سالدارىن جاقسى ەمدەيدى.
بۇل وسىمدىك انتيوكسيدانتتار مەن كالييگە باي، ءدال وسى زاپىرانگۇلدىڭ ۇنتاعى ءۇندى قىزدارىنىڭ بەتىنىڭ جىلتىراۋىنا سەپتىگىن تيگىزەدى. ءداستۇر بويىنشا ونى تەرىنى اعارتۋ ءۇشىن پايدالانادى. ساندال اعاشى مەن كۋركۋما ۇنتاقتارىمەن ارالاستىرىپ، تەرىنى بەزەۋلەردەن ەمدەيدى، قۇرعاقتىعى مەن تىتىركەنۋىن كەتىرەدى.
دايىنداعان: انار مۇستافينا
massaget.kz
