بۇكىل الەمدىك حيرۋرگتەر قوعامىنىڭ فورۋمى استانادا ءوتۋى مۇمكىن

«ۇلتتىق عىلىمي كارديوحيرۋرگيا ورتالىعىنىڭ باسشىسى ماعان جاقسى جاڭالىقتى جەتكىزدى. وسى ورايدا بۇكىل الەمدىك كارديوتوروكالدى حيرۋرگتەر قوعامىنىڭ ۇلكەن فورۋمىنىڭ 2017-جىلى استانادا وتكىزىلۋىن كۇتەمىز. وسىنداي شەشىم قابىلدانسا، ءبىز بۇل ايتۋلى شاراعا دايىندالاتىن بولامىز»، - دەدى ق ر دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى سەرىكبول مۋسينوۆ.

ايتا كەتەيىك، ІІІ  ۇلتتىق كارديوحيرۋرگتەر كونگرەسىنە 500 دەن استام وتاندىق جانە شەتەلدىك دارىگەرلەر، عالىمدار مەن ساراپشىلار قاتىسۋدا. ولاردىڭ اراسىندا 47 سپيكەر - كارديولوگيا، كارديوحيرۋرگيا سالاسىنداعى الەمدىك تانىمال ماماندار.

بۇل شارانىڭ ماقساتى - تاجىريبە، يدەيا الماسۋ ءۇشىن ءتۇرلى ەلدەردەگى كارديوحيرۋرگتەردى بىرىكتىرۋ.

كونگرەستى نازاربايەۆ ۋنيۆەرسيتەتى مەن ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ قولداۋىمەن چيكاگو ۋنيۆەرسيتەتى جانە بۇكىل الەمدىك كارديتوروكالدى حيرۋرگتەر قوعامىمەن ىنتىماقتاسا وتىرىپ، «ۇلتتىق عىلىمي كارديوحيرۋرگيا ورتالىعى» ا ق ۇيىمداستىردى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى