قاراعاندى جۇرتى ءنانجيىڭ وليمپياداسىنىڭ جەڭىمپازدارىن سالتاناتپەن قارسى الدى

«سارى ارقا» اۋەجايىندا جاس وليمپياداشىلاردى تۋىستارى مەن دوستارى، سپورت قاۋىمداستىقتارىنىڭ وكىلدەرى مەن بالالار سپورت مەكتەپتەرىنىڭ تاربيەلەنۋشىلەرى سالتاناتپەن قارسى الدى. وندا سپورتشىلار سۇحبات بەردى.

«بارلىق ءۇش جەكپە- جەك تە قيىن بولدى، دەگەنمەن جەڭىسكە جەتىپ، اقىرىندا چەمپيون اتاندىم. ارينە، قۋانىشىم قوينىما سىيمايدى. قازىر ەڭ باستىسى - ءسال دەمالىپ، سوسىن قايتادان جاتتىعۋعا كىرىسۋ» ، - دەيدى بوكسشى ا. ءجۇسىپوۆ.

ونىڭ ايتۋىنشا، جەڭىسكە جەتۋىنە جاقسى دايىندىق، پسيحولوگيالىق پارمەن جانە جانكۇيەرلىك قولداۋ سەپ بولدى.

جاس بوكسشى ەگەر دە وسىنداي تۇراقتى جاتتىعۋدى جالعاستىرا بەرسە، ەرەسەكتەر وليمپياداسىنا قاتىسۋعا مۇمكىندىگى بار ەكەنىن ايتتى.

«مەنىڭ كۋميرىم - ارينە، جەرلەسىم، وليمپيادا چەمپيونى سەرىك ساپيەۆ. ول دا، مەن دە اباي بوكس مەكتەبىنىڭ تاربيەلەنۋشىلەرىمىز. جۇدىرىقتاسۋ مانەرىمىز دە ۇقساس دەپ ويلايمىن. سوندىقتان، ونىڭ جەتكەن جەتكەن جەتىستىگىنە جەتۋگە بار كۇشىمدى سالاتىن بولامىن، ويتكەنى بۇل ومىردە مۇمكىن ەمەس نارسە جوق. تەك سوعان دايىن بولۋىڭ قاجەت» ، - دەيدى ا. ءجۇسىپوۆ.

ايتا كەتەيىك، 1 - قىركۇيەكتە چەمپيوننىڭ ج و و- داعى وقۋى باستالادى. 17 جاستاعى سپورتشى اباي قالاسىنداعى مەكتەپتى ءتامامداپ، قاراعاندى ەكونوميكالىق ۋنيۆەرسيتەتىنە «مەملەكەتتىك جەرگىلىكتى باسقارۋ» ماماندىعى بويىنشا وقۋعا تۇسكەن بولاتىن.

ابىلايحاننىڭ اناسى ۇلىنىڭ جەكپە- جەكتەرىن عالامتوردان كوزىنە جاس الا وتىرىپ كورگەن. «ءوز بالاڭدى رينگتە ۇرىپ جاتقانعا قاراۋ وتە اۋىر. سپورت دەگەن قيىن نارسە، دەگەنمەن وندا دا جەتىستىككە جەتۋگە بولادى. ارينە، ونىڭ وليمپيادا چەمپيونى بولعانىنا وتە قۋانىشتىمىن» ، - دەيدى ول. اناسىنىڭ ايتۋىنشا، بالاسىن 8 جاسىندا ءوزى بوكس ۇيىرمەسىنە الىپ كەلگەن ەكەن.

 ايتا كەتەيىك، نانكيندە (قىتاي) وتكەن جاستار اراسىنداعى وليمپيادادا قازاقستاندىق جاس سپورتشىلار 3 التىن، 1 كۇمىس جانە 4 قولا مەدەل ۇتىپ الدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى