ەلباسى اتا زاڭ ارقىلى قازاقستاندى مىقتى مەملەكەتكە اينالدىردى - ءا. جاقسىبەكوۆ

بۇل پىكىردى بۇگىن ەلوردادا ءوتىپ جاتقان ەلىمىزدىڭ كونستيتۋتسيا كۇنىنە ارنالعان «كونستيتۋتسيا: تۇراقتىلىق، بەيبىتشىلىك جانە قوعامدىق كەلىسىم» اتتى حالىقارالىق عىلىمي-تاجىريبەلىك كونفەرەنتسيادا ق ر مەملەكەتتىك حاتشىسى ادىلبەك جاقسىبەكوۆ ءبىلدىردى.

«كونستيتۋتسيا ەلىمىزدىڭ نەگىزگى زاڭى، مەملەكەتتىڭ باستى قۇجاتى. اتا زاڭدا مەملەكەتتىڭ قالىپتاسۋ باعىتتارى كورسەتىلگەن. ازاماتتاردىڭ قۇقىقتارى مەن بوستاندىقتارى ايتىلعان. بارلىق دەموكراتيالىق نورمالار مەن الەمدىك تالاپتار قاراستىرىلعان. حالىقتىڭ ءوزى قابىلداعان بۇل كونستيتۋتسيا ەلدىڭ دامۋىنا جول اشتى. ەلباسى اتا زاڭ ارقىلى قازاقستاندى مىقتى مەملەكەتكە اينالدىردى»، - دەدى ول.

مەملەكەتتىك حاتشىنىڭ اتاپ وتۋىنشە، اتا زاڭىمىزدىڭ ارقاسىندا ەلىمىزدە بىرلىك پەن قوعامدىق تاتۋلىق ورنادى، ەكونوميكا مەن دەموكراتيا دامىدى. وتانداستاردىڭ بويىندا قازاقستاندىق پاتريوتيزم قالىپتاستى.

«ەڭ باستسى قازاقستان تاۋەلسىز مەملەكەت رەتىندە الەمگە تانىلدى. سوندىقتان دا كونستيتۋتسيا كۇنى ەلىمىزدىڭ ەڭ ۇلكەن مەرەكەلەرىنىڭ ءبىرى سانالادى»، - دەدى ءا. جاقسىبەكوۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى