ەلباسى قاراعاندى وبلىسىنداعى ءۇ ي ي د م ب بارىسىن قاتاڭ سىنعا الدى
قازىرگى كەزدە وبلىستىڭ جالپى وڭىرلىك ءونىمى 2,6 تريلليون تەڭگەنى قۇرايدى، دەپ جازادى اقوردانىڭ رەسمي سايتى.
- وبلىس ەكونوميكاسىنا سالىنىپ جاتقان ينۆەستيتسيالار دا وسۋدە، بىلتىر ول 400 ميلليارد تەڭگەدەن استى. ءوڭىردىڭ بيۋدجەتى ءۇش جىلدا 40 پايىزعا ءوسىپ، 245 ميلليارد تەڭگەگە جەتتى، - دەدى نۇرسۇلتان نازاربايەۆ.
ءوڭىردىڭ دامۋ قارقىنىن اتاي وتىرىپ، قازاقستان پرەزيدەنتى ءبىرقاتار ماڭىزدى ماسەلەلەرگە دە نازار اۋداردى.
- قاراعاندى وبلىسىندا يندۋستريالىق- يننوۆاتسيالىق باعدارلاما ۇلكەن ديسپروپورتسيامەن جۇزەگە اسىرىلۋدا. ماسەلەن، يندۋستريالاندىرۋ كارتاسىنداعى 80 نىساننىڭ تەڭ جارتىسىنا جۋىعى قاراعاندىعا، ال وبلىستىڭ ونەركاسىپتىك ءوندىرىسىنىڭ 15 پايىزىن قامتاماسىز ەتەتىن جەزقازعانعا نەبارى 3 جوبا عانا تيەسىلى، - دەدى مەملەكەت باسشىسى.
نۇرسۇلتان نازاربايەۆ پريوزيەرسك قالاسى، وساكاروۆ جانە ۇلىتاۋ اۋداندارى يندۋستريالىق- يننوۆاتسيالىق دامۋ باعدارلاماسىندا مۇلدە قامتىلماعانىن ايتتى. سونداي- اق بۇرىن ايتىلعان ەسكەرتۋلەرگە قاراماستان، ءبىرقاتار نىسانداردىڭ ءالى توقتاپ تۇرعاندىعىن اتاپ ءوتتى.
سونىمەن قاتار، مەملەكەت باسشىسى ءوزىنىڭ جارلىعىمەن 2011 - جىلى قۇرىلعان «سارى ارقا» ا ە ا جۇمىسىنا نازار اۋداردى.
- مەملەكەت ارنايى ەكونوميكالىق ايماق ينفراقۇرىلىمىنا 25 ميلليارد تەڭگە ءبولدى. جوباعا سايكەس، وندا 53 فيرما جۇمىس ىستەۋى ءتيىس، ءبىراق قازىر 2 عانا جۇمىس ىستەيدى. باسقارۋشى كومپانيا ناقتى ينۆەستورلار تارتۋدىڭ ورنىنا ارنايى ەكونوميكالىق ايماقتى ءوزىنىڭ «بوس» فيرمالارىمەن تولتىرعان، سوسىن ولاردىڭ قۇجاتتارىن الەۋەتتى ينۆەستورلارعا ساتقان. نەگە بۇلاي بولعانىن انىقتاۋ كەرەك، - دەدى نۇرسۇلتان نازاربايەۆ.
قازاقستان پرەزيدەنتى شاعىن جانە ورتا بيزنەستى دامىتۋ سالاسىنداعى ءبىرقاتار كەمشىلىكتى دە اتادى.
- وبلىستىڭ وڭىرلىك جالپى ونىمدەگى ش و ب ۇلەسى نەبارى 20 پايىز. ءوڭىردىڭ ەكونوميكاسىن نەگىزىنەن «ارسەلور ميتتال تەمىرتاۋ» جانە «قازاق مىس» ۇستاپ تۇر. مەن ش و ب- نى 50 پايىزعا دەيىن ۇلعايتۋ مىندەتىن قويدىم، ەگەر وسى قارقىنمەن جالعاساتىن بولسا، ول كورسەتكىشكە ەشقاشان قول جەتپەيدى، - دەدى مەملەكەت باسشىسى.
وبلىستاعى اۋىل شارۋاشىلىعىن دامىتۋ ماسەلەلەرى جەكە تالقىلاندى. نۇرسۇلتان نازاربايەۆ سوڭعى 5 جىلدا وبلىستىڭ 18 قالاسى مەن اۋدانىنىڭ 11 ىندە «قازاگرو» ا ق- نىڭ قاتىسۋىمەن بىردە- ءبىر جوبا جۇزەگە اسىرىلماعانىن ايتتى.
- بۇل جەرگىلىكتى بيلىكتىڭ ا و ك- دە قارجى ينستيتۋتتارىمەن جۇمىس جۇرگىزبەيتىنىن، ءتىل تابىسا بىلمەيتىنىن جانە جاعداي جاسامايتىنىن كورسەتەدى، - دەدى قازاقستان پرەزيدەنتى.
مەملەكەت باسشىسى وبلىستا پايدالانىلمايتىن 1,4 ميلليون گەكتار اۋىلشارۋاشىلىق جەرى بار ەكەنى انىقتالعانىنا دا نازار اۋدارتتى.
قازاقستان پرەزيدەنتى شاعىن قالالاردى دامىتۋ ماسەلەسىنە دە توقتالىپ ءوتتى. ول وڭىردە 8 مونوقالا جانە ولاردى دامىتۋعا ارنالعان باعدارلامانىڭ بار ەكەنىنە قاراماستان، بولىنگەن 2,2 ميلليارد تەڭگە كولەمىندەگى قاراجاتتىڭ ءبارى 2012 - جىلى تەك كوشەلەردى جارىقتاندىرۋعا عانا جۇمسالعانىن ايتتى. سول ماقساتقا 2013 - جىلى 4,8 ميلليارد تەڭگە نەمەسە بارلىق قاراجاتتىڭ 92 پايىز شىعىندالعان.
- بۇل كوشەلەرمەن كىم جۇرەدى؟ ەگەر جاڭا جۇمىس ورىندارى اشىلمايتىن بولسا، ودان جۇرت كەتە باستايدى، - دەدى مەملەكەت باسشىسى.
نۇرسۇلتان نازاربايەۆ وبلىس باسشىلىعىنا مونوقالالاردى دامىتۋ بويىنشا كەشەندى شارالار قابىلداي وتىرىپ، وسى ماسەلە بويىنشا احۋالدى شۇعىل تۇردە تۇزەتۋدى تاپسىردى.
مەملەكەت باسشىسى الەۋمەتتىك دامۋعا قاتىستى ءبىرقاتار ماسەلەلەردى اتادى. ماسەلەن، سوڭعى 3 جىلدا قاراعاندىدا بىردە- ءبىر بالاباقشا سالىنباعان، ال كەزەكتە 13 مىڭ بالا تۇر. اۋىلدىق دارىگەرلىك امبۋلاتوريا قۇرىلىسى جونىندەگى باعدارلامانى جۇزەگە اسىرۋدا دا كەلەڭسىز جاعداي بايقالادى. بيىل 17 امبۋلاتوريانى پايدالانۋعا بەرۋ جوسپارلانعان، ءبىراق ءىس جۇزىندە تەك ءبىر عانا نىساننىڭ قۇرىلىسى باستالىپتى.
- بۇل ەل بويىنشا ەڭ ناشار كورسەتكىش، - دەدى نۇرسۇلتان نازاربايەۆ.
كەزدەسۋدى قورىتىندىلاي كەلە، قازاقستان پرەزيدەنتى وبلىس باسشىلىعىنا ايتىلعان ءاربىر ماسەلەنى باقىلاۋعا الۋدى، ولار بويىنشا ناقتى شەشىمدەر قابىلداۋدى تاپسىردى.
- وبلىس ەلدىڭ قۋاتتى يندۋستريالىق ورتالىعى بولىپ سانالادى، وعان زور كوڭىل ءبولىنىپ وتىر، قاجەتتى قاراجات بولىنۋدە. ءوڭىردىڭ تولىققاندى دامۋى ءۇشىن قولدا بار مۇمكىندىكتى تولىق پايدالانعان ءجون ، - دەدى مەملەكەت باسشىسى.
