مالايزيا استاناسىندا قازاقستاننىڭ حالىقارالىق باستاماسىنا وراي كورمە ۇيىمداستىرىلدى
اپتالىق ەكسپوزيتسيانى مالايزيانىڭ سىرتقى ىستەر مينيسترلىگى، تۋريزم جانە مادەنيەت مينيسترلىكتەرىنىڭ قولداۋىمەن قازاقستان رەسپۋبليكاسىنىڭ مالايزياداعى ەلشىلىگى ۇيىمداستىردى.
كورمەنىڭ اشىلۋ سالتاناتىنا مالايزيانىڭ سىرتقى ىستەر جانە قورعانىس ۆەدومستۆولارى، ۇلتتىق يادرولىق اگەنتتىگى، شەتەلدىك ديپلوماتيالىق كورپۋس جانە مالايزيانىڭ قوعامدىق توپتارىنىڭ وكىلدەرى، سونىمەن قاتار مالايزيادا ءبىلىم الىپ جاتقان قازاقستاندىق ستۋدەنتتەر قاتىستى، دەپ حابارلايدى ق ر س ءى م باسپا ءسوز قىزمەتىنەن.
ءوزىنىڭ كىرىسپە سوزىندە ق ر س ءى م حالىقارالىق اقپارات كوميتەتىنىڭ ءتوراعاسى رومان ۆاسيلەنكو اشىلۋ سالتاناتىنا قاتىسۋشىلاردى سەمەي يادرولىق پوليگونىنداعى يادرولىق سىناقتاردىڭ قايعىلى زارداپتارىمەن بايلانىستى قازاقستاننىڭ يادرولىق قارۋسىزدانۋى مەن ونى تاراتپاۋ سالاسىنداعى باستامالارىنىڭ تاريحىمەن تانىستىرىپ ءوتتى. ول سونداي-اق 1991- جىلى ق ر پرەزيدەنتى ن. ءا. نازاربايەۆتىڭ جارلىعىمەن سەمەي يادرولىق پوليگونىنىڭ جابىلۋى جانە 1992- جىلى جاس تاۋەلسىز قازاقستاننىڭ الەمدەگى كۇشتىلىگى بويىنشا ءتورتىنشى ارسەنالدان ەرىكتى تۇردە باس تارتۋى - قازاقستاننىڭ عالامدىق يادرولىق قارۋدى تاراتپاۋ جانە قارۋسىزدانۋعا قوسقان ەلەۋلى ۇلەسى جانە زەرتتەۋ مەن قولدانۋعا تۇرارلىق ۇلگى ەكەنىن اتاپ ءوتتى.
قازاقستاندىق ديپلومات استانانىڭ باستى انتيادرولىق باستامالارى تۋرالى، سونىڭ ىشىندە 2009- جىلى سەمەي يادرولىق پوليگونىنىڭ رەسمي جابىلعان كۇنى - 29- تامىزدى حالىقارالىق يادرولىق سىناقتارعا قارسى ءىس-قيمىل كۇنى دەپ جاريالاۋ تۋرالى باستاماسى مەن ب ۇ ۇ باس اسسامبلەياسىنىڭ رەزوليۋتسياسىنىڭ قابىلدانعانى تۋرالى بايانداپ بەردى. بەس ورتالىق ازيالىق مەملەكەتپەن يادرولىق قارۋدان ازات ايماق قۇرۋدىڭ حالىقارالىق قاۋىپسىزدىك ءۇشىن ماڭىزدىلىعى جايلى دا ايتىلدى. وسى جىلدىڭ مامىر ايىندا رەسمي تۇردە مويىندالعان بەس يادرولىق دەرجاۆالاردان قاۋىپسىزدىك كەپىلى الىندى.
ر. ۆاسيلەنكو يادرولىق قارۋسىزدانۋ جاعىنا شەشىمدى قادامدارعا قول جەتكىزۋ ماقساتىندا ەلباسىنىڭ تاعى ءبىر ماڭىزدى حالىقارالىق باستاماسىنا -يادرولىق سىناقتاردىڭ قورشاعان ورتاعا جانە ادامزاتقا قاۋىپى مەن سالدارى جونىندە الەم قوعامىنىڭ ءبىلىمىن ارتتىرۋىنا باعىتتالعان «اتوم» جوباسىنا ەرەكشە توقتالدى.
«بۇگىندە الەمنىڭ 100 گە جۋىق مەملەكەتتەرىنەن 100000 عا جۋىق ادام www.theatomproject.org سايتىندا الەم ۇكىمەتتەرىن يادرولىق سىناقتاردى سىناۋعا جالپىعا ورتاق تىيىم سالۋ جونىندەگى كەلىسىمگە قوسىلۋعا شاقىرىپ، «اتوم» جوباسىنىڭ ونلاين-پەتيتسياسىنا قول قويدى»، - دەدى ول.
سونىمەن قاتار ر. ۆاسيلەنكو قازاقستان مەن باسقا دا مەملەكەتتەردەگى يادرولىق سىناقتاردىڭ تاريحى ايتىلۋى كەرەكتىگىن جانە ولار بولاشاقتا ەش جەردە جانە ەشقاشان قايتالانباۋ ماقساتىندا كەلەشەك ۇرپاققا جەتكىزىلۋى قاجەت ەكەنىن تۇيىندەدى.
