قازاقستاندىق رەجيسسەردىڭ جوباسى حالىقارالىق كينوفەستيۆالدە باس جۇلدەنى يەلەندى

كينو الەمىنىڭ مايتالماندارى باس قوسقان ايتۋلى شارادا بوسنيا مەن گەرتسەگوۆينا، سلوۆەنيا، سەربيا، رۋمىنيا، يزرايل، بولگاريا مەن قازاقستاننىڭ جاس تا، تانىمال دا رەجيسسەرلەرىنىڭ 7 كينوجوباسى ۇسىنىلدى. وندا جوبا اۆتورلارى شارا سەكسياسى اياسىندا ءوز ەڭبەكتەرىنىڭ ۇزىندىلەرىن قازىلار القاسىنىڭ نازارىنا ۇسىندى.

تۇساۋكەسەرلەردى قازىلار قۇرامىنداعى الەمدەگى ءىرى پروديۋسەرلىك ءارى ديستريبيۋتەرلىك كينوكومپانيالاردىڭ ءبىرى «Fortissimo Films» -ءتىڭ باسقارۋشى ديرەكتورى نەللەكي دريسسەن، «ZDF/ARTE» كومپانياسىنىڭ شىعارۋشى رەداكتورى ءارى پروديۋسەرى مەينحولف زۋرحورست، «The Post Republic» كومپانياسىنىڭ پروديۋسەرى تولكە پالم ساراپتاۋدان وتكىزدى.

«بولاشاق كارتينانىڭ جۇمىس ماتەريالدارىن كورسەتكەندە قاتتى تولقىدىم. ءارى تريلوگيانىڭ ەكىنشى كارتيناسىنا دەگەن قىزىعۋشىلىقتى سەزىندىم»، - دەيدى رەجيسسەر ەمير بايعازين.

فەستيۆال باعدارلاماسىنا كينويندۋستريا سالاسىنىڭ جالپى سانى 500 گە جۋىق كاسىبي ماماندارى قاتىستى. اسىرەسە، ەمير ءبايعازيننىڭ تريلوگياسىنىڭ ەكىنشى بولىمىنەن ۇزىندىلەردى تاماشالاۋ ءۇشىن كوپتەگەن ساراپشىلار جينالدى. ايتا كەتەيىك، «جارالى پەرىشتە» كينوجوباسىنىڭ ماتەريالدارى الەمدىك كينو ءوندىرىسى قاۋىمىنىڭ نازارىنا سارايەۆودا العاش رەت ۇسىنىلدى، دەپ حابارلايدى «قازاق فيلم» كينوستۋدياسىنىڭ باسپا ءسوز قىزمەتىنەن.

ەستەرىڭىزگە سالا كەتەيىك، بيىل ەمير ءبايعازيننىڭ «ۇيلەسىم ساباقتارى» («ۋروكي گارمونيي») تۋىندىسى فرانسيانىڭ انجە قالاسىندا وتكەن Premiers Plams حالىقارالىق كينوفەستيۆالىنىڭ گران-پري جۇلدەسىنە يە بولعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى