ۇلى بريتانيا ەلشىلىگى ورتەنگەن اق ءۇي ءۇشىن كەشىرىم سۇرادى
ەلشىلىكتىڭ Twitter- دەگى رەسمي پاراقشاسىندا 1814 - جىلى اعىلشىن اسكەرىنىڭ اق ءۇيدى ورتەگەنىنە تۋرا 200 جىل تولعان مەرەيتويلىق داتا تۋرالى اقپارات ا ق ش تۇرعىندارىن دۇرلىكتىرىپ جىبەردى. ب
ۇل تۋرالى Telegraph باسىلىمى حابارلايدى. ۇلى بريتانيا ەلشىلىگى الەۋمەتتىك جەلىگە تورتتان جاسالعان اق ءۇيدىڭ سۋرەتىن ورنالاستىرعان. پرەزيدەنت رەزيدەنتسياسىنىڭ ەكى جاعىنا قوس ەلدىڭ تۋى شانشىلىپ، شىراق تۇتاتىلعان. ال تومەندە كەلتىرىلگەن تۇسىنىكتەمەدە ەكى عاسىرلىق مەرەيتويدان ەستەلىك ەكەندىگى ايتىلا كەلە، بۇل جولعى وتتىڭ تەك بەنگال شىراقتارى ارقىلى ەكەنى قالجىڭمەن اسپەتتەلىپتى.
بلوگ تۇعىرداعى اقپارات جاريالانعان بويدا كوپتەگەن امەريكالىقتاردىڭ اشۋ- ىزاسىن تۋعىزىپ، عالامتوردا نارازىلىق كۇشەيگەن. الايدا ارادا 3 ساعاتقا جۋىق ۋاقىتتان سوڭ بريتاندىق ديپلوماتتاردىڭ ا ق ش ازاماتتارىنان كەشىرىم سۇراپ، ءمان- جايدى تۇسىندىرۋىنە تۋرا كەلدى. ەلشىلىك قىزمەتكەرلەرىنىڭ ايتۋىنشا، ولار نەبارى تاريحي وقيعانى ەكە سالىپ، قازىرگى ا ق ش پەن ۇلى بريتانيا اراسىنداعى ەرەكشە بايلانىستى اتاپ وتكىسى كەلگەن.
ەسكە سالا كەتسەك، اعىلشىن اسكەرىنىڭ ۆاشينگتوندى باسا- كوكتەپ كىرۋ ارەكەتى 1814 - جىلى بولىپ، ا ق ش استاناسىن نەبارى ءبىر تاۋلىكتىڭ ىشىندە باسىپ العان وقيعا رەتىندە تاريحتا قالعانى بەلگىلى. سول كۇننىڭ ىشىندە بريتاندىق اسكەر اق ءۇي مەن كاپيتوليدى ورتەپ جىبەرگەن بولاتىن.
www.24.kz
