ءسابينا التىنبەكوۆا «قىزىل جارتى اي» قوعامىنىڭ ەرىكتىسى بولدى
بۇل تۋرالى قوعامنىڭ باسپا ءسوز قىزمەتىنە سىلتەمە جاساي وتىرىپ «ينتەرفاكس- قازاقستان» حابارلادى.
«قازىرگى تاڭدا ەرىكتى بولۋ دەگەنىمىز - ءوز ۋاقىتىڭنىڭ ءبىر بولىگىن الەۋمەتتىك ماڭىزى بار، ياعني ءبىزدىڭ ءومىرىمىزدى جاقسارتاتىن جوبالارعا قاتىسۋعا ءبولۋ. ەرىكتىلىك تەگىن، اقىسىز بولادى. بۇل - زاماناۋي وركەنيەتتى ادامنىڭ، اسىرەسە جاستاردىڭ ءومىر سالتى» - دەدى التىنبەكوۆا.
«ءسابينا ەرىكتى بولۋعا نيەتىن ءبىلدىرۋ ارقىلى رەسپۋبليكاداعى قىزىل جارتى اي قوعامىنىڭ نەگىزگى مىندەتىن قولدايتىنىن كورسەتتى. ول - ادامنىڭ قاسىرەتىنىڭ الدىن الۋ جانە جەڭىلدەتۋ، ۇلتتىق، ناسىلدىك، جىنىستىق بەلگىلەرى بويىنشا، ءدىني جانە ساياسي كوزقاراسىنا، ءتىلى مەن تاپتىق وزگەشەلىكتەرىنە قاراماستان ادامداردى الالاماۋ. سونىمەن قاتار، قوزعالىستىڭ نەگىزگى پرينتسيپتەرى - ادامگەرشىلىك، بەيتاراپتىق، ريالىلىق، تاۋەلسىزدىك، ەرىكتىلىك، بىرەگەيلىك جانە امبەباپتىقتى ساقتاۋ» ، - دەلىنگەن حابارلامادا.
ءسابينا التىنبەكوۆا تايبەيدە وتكەن جاسوسپىرىمدەر اراسىنداعى ازيا چەمپيوناتىنا قاتىسقاننان كەيىن تانىمالدىلىققا يە بولدى. ولار ءسابينانى ازيادا قازىرگى كەزدە اسا تانىمال جاپونيالىق مۋلتفيلمدەردىڭ كەيىپكەرىنە ۇقساتقان.
تايۆان، جاپونيا جانە باسقا دا ازيالىق ەلدەردىڭ تەلەارنالارى قازاقستاندىق بويجەتكەنگە بىرنەشە رەپورتاجدار ارناعان، عالامتور جەلىسىندە ول تۋرالى كوپتەگەر بەينەروليكتەر پايدا بولدى. الەۋمەتتىك جەلىلەردە، ونىڭ ىشىندە Instagram-دا ءسابيناعا 300000 -نان استام ادام جازىلعان.
«الماتى» ارناسى
