قازاق ونەرىنىڭ ساڭلاقتارى: ءسادۋاقاس بالماعانبەتوۆ
اكەسى - بالماعامبەت، قازانعاپ كۇيشىنىڭ ءداستۇرلى ورىنداۋ مەكتەبىن جالعاستىرۋشى، بەلگىلى دومبىراشى بولعان.
ءسادۋاقاستى بالا كەزىندە تۋىسقان اعاسى ماتاي قۋانتايەۆ (قازانعاپتىڭ شاكىرتى) ونەرگە باۋلىپ، قوس ىشەكتىڭ سىرىنا قانىقتىرعان. مۇنان كەيىنگى جىلدارى ءسادۋاقاس كۇيشى ءوز شەبەرلىگىن ءقادىرالى، كەلبەت، جالىكەش، قۇرمانعالي سىندى دومبىراشىلاردان شىڭداپ وتىرعان.
ءسادۋاقاس بالماعامبەتوۆتىڭ وزىنە عانا ءتان ورىنداۋ ەرەكشەلىگى بار. شەبەر ورىنداۋشى، كۇيشى رەتىندە ول حالىق ىقىلاسىنا يە بولدى. سونىمەن قاتار، زەرتتەۋشى رەتىندە دە قازانعاپ كۇيلەرىن راديو مەن تەليەۆيزيادا ناسيحاتتاپ، حالىققا تانىتا ءبىلدى. « ءتىرى قازانعاپ» اتانعان كۇيشى قازانعاپ كۇيلەرىن نوتاعا ءتۇسىرىپ قانا قويماي، كۇيتاباققا جازدىرعان.
2001 - جىلى ق ر ەڭبەك سىڭىرگەن قىزمەتكەرى، پروفەسسور ايتجان توقتاعان مەن قۇرمانعازى اتىنداعى قازاق ۇلتتىق كونسەرۆاتورياسىنىڭ اعا وقىتۋشىسى، كۇيشى، زەرتتەۋشى مۇرات ءابۋعازىنىڭ نوتالىق رەداكتسيالاۋىمەن «ساز زەرگەرى - قازانعاپ» اتتى كىتاپ شىعاردى.
«قازانعاپ كۇيلەرىن ەشكىم دە ول سەكىلدى تارتا المايتىن. اسىرەسە، قازانعاپتىڭ «جۇرتتا قالعان» ، «ون سەگىز جاسار بالجان قىز» كۇيلەرىن ول سياقتى ورىنداۋ ءتىپتى، مۇمكىن ەمەس ەدى!.. » ، - دەيدى قازانعاپتانۋشى، قازانعاپ اتىنداعى شالقار ساز مەكتەبىنىڭ ۇستازى نۇربولات جانامانوۆ.
