قىتايدىڭ التاي، ىلە، تارباعاتاي جانە موڭعوليانىڭ بايان-ولگەي ايماعىنان جينالعان «ۇلى دالا سازى» انتولوگياسى تىڭدارماندارعا جول تارتتى

«مۇنداي جوبالار ءبىر كۇندە جاسالمايدى. ءبىز ماتەريالداردى تەك قازاقستاننان عانا ەمەس، سونىمەن قاتار ارنايى ەكسپەديتسيا شىعارىپ، 2,5 ميلليونعا جۋىق قازاق تۇراتىن قىتايدىڭ التاي، ىلە، تارباعاتاي جانە موڭعوليانىڭ بايان-ولگەي ايماعىنان جينادىق. ەلباسىنىڭ تاپسىرماسىنا وراي، حالىق اندەرىن، جىرلار مەن تەرمەلەردى جيناقتاپ، تاسپاعا ءتۇسىرۋ جوباسىن دايىندادىق. بۇل جوبادا اۆتورلىق اندەر ەمەس، 500 گە جۋىق تەك حالىق اندەرى جيناقتالدى»، - دەدى جوبا جەتەكشىسى، مادەنيەتتانۋشى بازاربەك اتىعايەۆ.

بۇل جوبانىڭ ەرەكشەلىكتەرىنە توقتالعان ول، جيناقتا وتكەن عاسىردا ءومىر سۇرگەن عاريفوللا قۇرمانعاليەۆ، ەلۋباي ءومىرزاقوۆ، دانەش راقىشيەۆ سەكىلدى قازاق ءان ونەرىنىڭ كەمەڭگەر قايراتكەرلەرىنىڭ داۋىستارى بار ەكەندىگىن اتاپ ءوتتى. مۇنىمەن قوسا، قازىرگى كەزدە تانىمال انشىلەر بەكبولات تىلەۋحان، ەرلان رىسقاليەۆ پەن رامازان ستامعازيەۆتىڭ ورىنداۋىنداعى اندەر تاسپاعا ءتۇستى.

«ۇلى دالا سازى» انتولوگياسى 24 ديسكىگە جازىلعان 500 حالىق انىنەن تۇرادى.

«جيناق 3 مىڭ دانامەن جارىق كوردى. ونىڭ 1 مىڭىن مۋزىكالىق وقۋ ورىندارىنا، كىتاپحانالارعا تەگىن تاراتىپ جاتىرمىز. بۇل جوبانىڭ ماقساتى پايدا تابۋعا نەگىزدەلمەگەن. جيناقتى وزىندىك قۇنىمەن وتكىزۋ جوسپارلانىپ وتىر»، - دەدى جوبا جەتەكشىسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى