ۇلى جىبەك جولى بويىنداعى ىقپالداستىق
«ۇلى جىبەك جولى بويىنداعى ىقپالداسدىق ۇدەرىسى: وتكەنى، بۇگىنى مەن كەلەشەگى» اتاۋىمەن حالىقارالىق سەمينار ۇيىداستىرىلىپ، وندا قوعام قايراتكەرلەرى وسىنداي پىكىر ايتتى.
بۋراباي كۋرورتتىق ايماعىنا وزبەكستان، قىرعىزستان جانە تاجىكستان مەملەكەتتەرىنىڭ ساراپشى عالىمدارى جينالدى. مۇنداي ءىس- شارا 2007 -جىلدان بەرى تۇراقتى وتكىزىلىپ كەلەدى. مادەني جوبانىڭ باستى ۇستانىمى - ءتۇبى ءبىر تۇركى حالىقتارىنىڭ ورتاق دامۋىنا ۇلەس قوسۋ. ولاردىڭ تاريحي ۇقساستىقتارىن ۇلگى ەتە وتىرىپ، جاڭا ءداۋىردىڭ بايلانىسىن نىعايتۋ.
سۇلتان رايەۆ، حالىق جازۋشىسى: - تولعاندىراتىن ءبىرقاتار ماسەلە بار. سونىڭ ىشىندە ەكونوميكالىق، ساياسي، الەۋمەتتىك، مادەني ماسەلەلەر. وسى ماسەلەلەردى ءبىز ورتا ازيادان كەلگەن شىعارماشىلىق وكىلدەر ىقپالداستىق ماسەلەلەرىن تالقىلادىق.
اكبار تۋرسون، شىعىس تانۋ ينستيتۋتىنىڭ ديرەكتورى: - ءبىز ساياساتكەر ەمەسپىز، ماسەلەنى شەشپەيمىز. ءبىز كەز كەلگەن ىقپالداسدىق ۇدەرىستىڭ دۇرىس شەشىلۋ جولدارىن ۇسىنامىز. ءتيىمدى تۇستارىن تالقىلايمىز. ونىڭ ىشىنە ساياسات تا، ءدىن دە، مادەنيەت تە قامتىلادى. جاھاندانۋ داۋىرىندە ورتا ازيا ەلدەرىنە زيان كەلتىرەتىن نەمەسە پايدا اكەلەتىن قۇبىلىستاردىڭ بارلىعىن ساراپتاپ، سارالاپ، ورتاق يگىلىككە باستايتىن باعىتتى ايقىندايمىز.
