تاسماعامبەتوۆكە استانانىڭ «مەرلەر بەيبىتشىلىك ءۇشىن» ۇيىمىنا كىرگەندىگى تۋرالى سەرتيفيكاتى تابىستالدى
«مەرلەر بەيبىتشىلىك ءۇشىن» ۇيىمىنا 1982- جىلى حيروسيمانىڭ ءمەرى تاكەشي اراكيدىڭ باعدارلاماسىن رەسمي قولداعان الەمنىڭ ءار تۇپكىرىندەگى قالالار كىرەدى.
1945- جىلعى تامىزدا اتوم بومبالارى ءاپ-ساتتە حيروسيما جانە ناگاساكي قالالارىن جەرمەن-جەكسەن ەتىپ، ءجۇز مىڭداعان جاندى جەر جاستاندىردى. ۇيىم حيروسيما مەن ناگاساكيدەگى سياقتى قايعىلى جاعدايلاردىڭ قايتالانباۋى جولىندا الەمگە يادرولىق قارۋدى قولدانۋدىڭ قاتىگەزدىگىن جەتكىزۋگە تالپىنىپ، يادرولىق قارۋسىزدانۋعا ۇنەمى شاقىرىپ كەلەدى.
1982- جىلعى 24- ماۋسىمدا ب ۇ ۇ-نىڭ نيۋ-يوركتەگى شتاب-پاتەرىندە وتكەن قارۋسىزدانۋ جونىندەگى ب ۇ ۇ-نىڭ 2- ارنايى سەسسياسىندا حيروسيما ءمەرى تاكەشي اراكي قالالاردىڭ يادرولىق قارۋدان تۇبەگەيلى باس تارتۋ تۋرالى ىنتىماقتاستىعىن قولداۋ تۋرالى جاڭا باعدارلامانى جاريا ەتتى. ول يادرولىق قارۋدان قۇتىلۋ ءۇشىن قالالارعا ۇلتتىق شەكارا شەگىنەن شىعىپ، بىرلەسىپ جۇمىس ىستەۋدى ۇسىندى. ناتيجەسىندە حيروسيما مەن ناگاساكي قالالارىنىڭ مەرلەرى دۇنيەجۇزىنىڭ مەرلەرىن باعدارلامانى قولداۋعا شاقىردى.
«مەرلەر بەيبىتشىلىك ءۇشىن» قالالار اراسىنداعى تىعىز قارىم-قاتىناس ارقىلى حالىقارالىق قاۋىمداستىق نازارىن يادرولىق قارۋدان باس تارتۋ قاجەتتىلىگى ماسەلەسىنە اۋدارتىپ، بۇكىل الەمدى شىنايى ءارى قۋاتتى بەيبىتشىلىككە ۇندەپ، اشتىق پەن كەدەيلىكتى جويۋ، قاقتىعىستار وشاعىنان باس ساۋعالاعان بوسقىندارعا كومەك كورسەتۋ، ادام قۇقىقتارىن قولداۋ، قورشاعان ورتانى قولداۋ، كۇللى ادامزاتتىڭ بەيبىت ءومىر كەشۋىنە كەدەرگى كەلتىرىپ، قاۋىپ توندىرەتىن باسقا دا ماسەلەلەردى شەشۋگە باعىتتالعان.
استانا «مەرلەر بەيبىتشىلىك ءۇشىن» قوزعالىسىنا 2012- جىلعى تامىزدا ۇيىمعا مۇشە قالالاردىڭ ىشىندەگى 110- استانا بولىپ قوسىلدى. بۇل تۋرالى ۇيىم پرەزيدەنتى حيروسيما ءمەرى كادزۋمي ماتسۋي مىرزا قول قويعان سەرتيفيكاتتى استانا قالاسىنىڭ اكىمىنە نورۆەگيالىق فروگن قالاسىنىڭ ءمەرى تۋرە ۆەستبي مىرزا مەن «بولاشاق 2020» حالىقارالىق قوزعالىسىنىڭ ديرەكتورى اارون توۆيش مىرزا تابىستادى.
«مەرلەر بەيبىتشىلىك ءۇشىن» ۇيىمىنا قازاقستاننان استانادان بولەك الماتى، اياگوز، قاراعاندى، كۋرچاتوۆ، پاۆلودار، ريددەر، سەمەي، سەرەبريانسك، شار، شەمونايحا، وسكەمەن، زايسان، زىريان قالالارى ەنگەن.
