اتا زاڭىمىز حالىقتىڭ جۇرەگىنەن شىعىپ، زامان سىنىنا توتەپ بەرە الاتىن تەمىرقازىعىمىز
«تاۋەلسىزدىگىمىزدىڭ تاريحىندا، ماعجان جۇمابايەۆ ايتقانداي، ەلىمىزدىڭ تولعامالى تاريحىندا نەشە ءتۇرلى وقيعالار ءوتتى. قيىن كەزەڭدەر بولدى. ەلباسىمىز ايتقانداي، تاۋەلسىزدىگىمىزدى سىنعا العان كەزەڭدەر بولدى. سول سىندارلى جىلداردان ءبىزدىڭ اتا زاڭىمىز ەلىمىزدىڭ بىرلىگىنە، جاۋاپكەرشىلىگىنە قىزمەت ەتىپ، امان-ەسەن الىپ ءوتتى»، - دەدى شاراعا قاتىسقان ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ پرورەكتورى ديحان قامزابەك ۇلى.
ونىڭ اتاپ وتۋىنشە، قازاقتا ەلدىگىمىزدى انىقتايتىن قاسىم حاننىڭ قاسقا جولى، ەسىم حاننىڭ ەسكى جولى، ءاز تاۋكەنىڭ جەتى جارعىسى، الاشتىڭ جولى سەكىلدى قاداۋ-قاداۋ سۇبەلى دۇنيەلەر بولعان. ال مۇنىڭ بارلىعىنان ءبىزدىڭ تاريحىمىزدىڭ ساباقتاستىقتا ەكەندىگىن، ەلدىكتى التىن ارقاۋ ەتكەندىگىن بايقاۋ قيىن ەمەس.
«ەلباسىمىز كونستيتۋتسياعا بايلانىستى «حالقىمىزدىڭ جۇرەگىنەن شىققان، زامان سىنىنا تابىستى توتەپ بەرەتىن ءبىزدىڭ تەمىرقازىعىمىز»، دەپ ناقتى، انىق ايتقان بولاتىن. بۇل سوزگە الىپ-قوسار ەش نارسە جوق دەپ ەسەپتەيمىز. ويتكەنى تەمىرقازىق دەگەنىمىز - حالىقتى قيىندىقتان الىپ وتەتىن ۇلكەن ءبىر دۇنيە»، - دەدى د. قامزابەك ۇلى.
اۆتور: مارلان جيەمباي
