ەرلان ىدىرىسوۆ پان گي مۋنعا بۇگىنگى مالىمدەمەسى ءۇشىن العىس ايتتى
فورۋم جۇمىسىنا يندونەزيا پرەزيدەنتى سۋسيلو بامبانگ يۋدويونو، ب ۇ ۇ باس حاتشىسى پان گي مۋن، يۋنەسكو باس ديرەكتورى يرينا بوكوۆا، 100 دەن اسا مەملەكەتتەن دەلەگاتتار مەن حالىقارالىق ۇيىمداردىڭ وكىلدەرى قاتىستى.
جيىندا ءسوز العان ە. ىدىرىسوۆ قازاقستان اليانستىڭ ماقساتتارىن تولىقتاي قولدايتىنىن ايتىپ، ق ر پرەزيدەنتى ن. نازاربايەۆتىڭ الەمدىك جانە ءداستۇرلى دىندەر باسشىلارىنىڭ سيەزىن وتكىزۋ تۋرالى باستاماسىن دايەكتى تۇردە جۇزەگە اسىرۋ ارقىلى قازاقستان حالىقارالىق دەڭگەيدە ءوزارا تۇسىنىستىكتىڭ نىعايا تۇسۋىنە قوماقتى ۇلەس قوسىپ وتىرعانىن جەتكىزدى.
«ق ر س ءى م باسشىسى ب ۇ ۇ شەشىمىمەن «يادرولىق سىناقتارعا قارسى حالىقارالىق ءىس- قيمىل كۇنى» 29 - تامىزدا وسىمەن بەسىنشى جىل قاتارىنان كۇللى الەمدە اتالىپ وتىرعاندىعىنا ەرەكشە توقتالىپ، ب ۇ ۇ باس حاتشىسىنا وسى ماسەلەگە قاتىستى بۇگىنگى ارنايى مالىمدەمەسى ءۇشىن العىس ايتتى» ، دەلىنگەن حابارلامادا.
ە. ىدىرىسوۆ ءوز سوزىندە الەمدەگى احۋال شيەلەنىسىپ، اسكەري الەۋەتتىڭ كۇشەيتىلگەن كەزەڭى قايتا ەنىپ وتىرعانىن جانە ەسكى داۋلار ۋشىعا تۇسكەنىن ايتتى.
«حالىقارالىق قۇقىق قاۋقارسىز، «ءوزىم ءبىلدىم» قاعيداسى ۇستەمدىك قۇرىپ تۇر. ماسەلەنى شەشپەي، كەرىسىنشە كۇردەلەندىرەتىن قاقتىعىستاردىڭ قۇنى قىمبات بولىپ وتىر» ، - دەدى ە. ىدىرىسوۆ.
فورۋم اياسىندا ە. ىدىرىسوۆ انگولا، مالايزيا، ميانما، نيدەرلاندى، پەرۋ، تانزانيا، تۇركيا، چيلي جانە تاعى دا باسقا مەملەكەتتەردىڭ دەلەگاتسيا باسشىلارىمەن كەزدەستى.
مۇنىمەن قاتار، قازاستان ە. ىدىرىسوۆ كورول ابدۋلازيز اتىنداعى دىندەر جانە مادەنيەتتەر اراسىنداعى حالىقارالىق ورتالىقتىڭ باس حاتشىسى فەيسال مۋاممارمەن جانە ب ۇ ۇ ازىق- تۇلىك جانە اۋىلشارۋاشىلىق ۇيىمىنىڭ ديرەكتورى جوزە گراتسيانو دا سيلۆامەن جۇزدەستى.
