قازاقستان دامۋ بانكى مەن قىتاي مەملكەتتىك دامۋ بانكىنىڭ باسشىلارى ىنتىماقتاستىق كەلەشەگىن تالقىلادى

 بۇل تۋرالى ق د ب باسپا ءسوز قىزمەتىنەن حابارلاندى.

استانادا وتكەن كەلىسسوزدەر بارىسىندا تاراپتار ەكى مەملەكەتتىڭ  ەكونوميكالىق يگىلىگى ءۇشىن ءوزارا ارەكەتتەستىكتى نىعايتۋ تۋرالى ۋاعدالاستىققا قول جەتكىزدى. ءوز كەزەگىندە قازاقستان دامۋ بانكىنىڭ باسشىسى قىتايلىق ارىپتەسىنە ەلىمىزدەگى ەكونوميكانىڭ شيكىزاتتىق ەمەس سەكتورىنداعى جوبالاردى، ينفراقۇرىلىمداردى قارجىلاندىرۋ مۇمكىندىگى بويىنشا اقپارات بەرىپ ءوتتى.

  ونىڭ سوزىنشە، قازىرگى كۇنى قازاقستان دامۋ بانكىنىڭ ىقتيمال جوبالارىنىڭ قورجىنى  1 ترليون تەڭگەدەن اسادى.

توقتالا كەتەتىن جايت، «قازاقستان دامۋ بانكى» بۇعان دەيىن «CDB» - مەن جالپى سوماسى 300 ميلليون دوللاردى قۇرايتىن ءۇش كرەديتتىك كەلىسىمشارت جاساسقان بولاتىن.  بۇل باعىتتا بولىنگەن قاراجاتتىڭ بارلىعى تولىعىمەن يگەرىلگەن، اتاپ ايتقاندا ەلەكتروەنەرگەتيكا، مەتاللۋرگيا، كولىك جانە جەڭىل ونەركاسىپ سالاسىنداعى جوبالار قارجىلاندىرىلعان ەدى.

بۇدان بولەك، قازاقستان دامۋ بانكى مەن «CDB» اعىمداعى جىلدىڭ مامىر ايىندا 500 ميلليون دوللاردى قۇرايتىن كرەديتتىك جەلىنى اشۋ تۋرالى نەگىزگى كەلىسىمشارت جاساسقان بولاتىن. كەلىسسوزدەر بارىسىندا  ب. جامىشيەۆ  پەن جىڭ جىجيە اتالمىش كەلىسىمنىڭ تەزىرەك جۇزەگە اسۋىنا ءوزارا قىزىۋشىلىقتارىن ءبىلدىردى.    

اۆتور:   قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى