جانارماي باعاسىنا بولجام جاسايمىن دەپ اۋزىم كۇيگەن - ۇ. قارابالين

«وزدەرىڭىز بىلەسىزدەر، 21 - تامىزدان باستاپ ا ي-92 ماركالى جانارماي باعاسى 128 تەڭگەگە كوتەرىلدى. ال ديزەلدىك وتىننىڭ باعاسى سول كۇيىندە قالدى. ال ا ي-95 پەن ا ي-98 ماركالارىنا كەلەر بولساق، ولاردىڭ باعاسىن مەملەكەت رەتتەي المايدى. مەن جۋىردا جانارماي باعاسى جۋىق ارادا كوتەرىلمەيدى دەپ بولجام جاساعان ەدىم، ەندى مىنە اۋزىم كۇيىپ وتىر» ، - دەدى قارابالين.

 ونىڭ ايتۋىنشا، قازىرگى ۋاقىتتا ەلىمىزدىڭ كەيبىر وڭىرلەرىندە، اسىرەسە شەكارا ماڭىنداعى ايماقتاردا ا ي-92 ماركالى بەنزينگە دەفيتسيت بايقالۋدا. «وندا كورشى ەلدەردەن كەلىپ قازاقستاندىق جانارمايدى الۋعا تىرىساتىن كولىكتەر وتە كوپ. ويتكەنى بىزدە كورشىلەس ەلدەرمەن سالىستىرعاندا ەڭ ارزان جانارماي بولىپ وتىر»، - دەدى ۆيتسە- مينيستر.

«جانارماي قىمباتتاۋىنىڭ تاعى ءبىر سەبەبى: رەسەيدەگى جانارماي ءوندىرۋ زاۋىتتارىنىڭ بىرىندە ورىن العان اپات. وندا قازىر جۇمىس توقتاپ تۇر. سونىمەن قاتار، پاۆلودار مۇناي وڭدەۋ زاۋىتىندا جوندەۋ جۇمىستارى جۇرگىزىلۋدە» ، - دەدى ۆيتسە- مينيستر.

«ءبىز قازىر نارىقتى باقىلاپ، زەرتتەپ وتىرمىز. سوندىقتان ديزەلدىك وتىننىڭ باعاسى كوتەرىلمەيدى دەپ تولىق سەنىممەن ايتا المايمىز. ءبىزدى قورشاعان مەملەكەتتەردىڭ بارلىعىندا باعا بىزدىكىنەن جوعارى. ال اشىق شەكارا جاعدايىندا مۇنداي جاعدايعا توتەپ بەرۋ قيىن» ، - دەدى ۇ. قارابالين.

ءبىرىنشى ۆيتسە- ءمينيستردىڭ ايتۋىنشا، قازىر ەگىن ناۋقانى ءجۇرىپ جاتىر. ال ەلىمىزدەگى ديزەلدىك وتىن شىعاراتىن زاۋىتتاردىڭ ءبىر ايلىق ءونىمىنىڭ تەڭ جارتىسى وسى اۋىل شارۋاشىلىق قاجەتتىلىكتەرىنە جۇمسالۋدا.

«كوپ مولشەردە ديزەلدىك وتىن ەگىن ورۋعا كەتىپ جاتىر. بۇل ەندى ەكى- ءۇش ايعا سوزىلادى عوي. ءبىز اي سايىن باعاسى تومەندەتىلگەن ديزەلدىك وتىننىڭ 170 مىڭ توننادايىن اۋىل شارۋاشىلىعىنا بەرىپ جاتىرمىز. بۇل ەلىمىزدەگى زاۋىتتار شىعاراتىن ديزەلدىك وتىننىڭ جارتىسىنا جۋىعى. ءبىراق بۇل قىستاي جۇرمەيتىن نارسە عوي. سوندىقتان بۇل كولەمدەر قايتادان نارىققا كىرەدى. سول كەزدە ديزەلدىك وتىننان تاپشىلىق بولمايدى دەپ ويلايمىز» ، - دەدى ول.

 «بۇگىندە ءبىز ج ج م نارىعىنداعى جاعدايدى تۇراقتاندىرۋعا بارلىق شارالاردى قابىلداپ جاتىرمىز. قازىر ەلىمىزدىڭ بازالارىندا اي-92 ماركالى جانار- جاعار مايدىڭ 95 مىڭ تونناسى ساقتاۋلى. بولاشاقتا وزىمىزدەگى مۇناي وڭدەۋ زاۋىتتارىن جەتىلدىرىپ، دامىتقاننان كەيىن، 2016 - جىلدان سوڭ قازاقستان ءوز نارىعىن جانارمايمەن تولىقتاي قامتاماسىز ەتەتىن بولادى» ، - دەپ اتاپ ءوتتى ۇ. قارابالين.

 ونىڭ ايتۋىنشا، قازىرگى كەيبىر جانارماي قۇيۋ ستانسالارىندا جانارماي تاپشىلىعى سەزىلۋدە. ونىڭ سەبەبى 21 - تامىزدا جانارماي باعاسىن كوتەرگەنگە دەيىن رەسەيدەن جانارماي تاسىمالداۋشى كوپتەگەن كومپانيالار شىعىنعا باتپاس ءۇشىن ءوز جۇمىستارىن توقتاتقان. «ەندى جانارماي باعاسىن كوتەرۋ تۋرالى شەشىم شىققان كەيىن بۇرىننان بەرى رەسەيدەن ج ج م تاسىپ كەلگەن كومپانيالار قايتادان ەلگە جانارماي اكەلە باستادى. وسىلايشا ءبىر- ەكى اپتانىڭ ىشىندە بىرتىندەپ جانارماي قۇيۋ ستانسالارىنداعى تاپشىلىق جويىلادى» ، - دەدى ول.

اۆتور: ءابۋ- اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى