رەسەيلىك تەلەارنا قاسىم-جومارت توقايەۆتى توبەلەسقور كاسىپكەر دەپ كورسەتتى

قاتەلىكتى جىبەرگەن - Ren-TV ارناسىنىڭ «112» اقپاراتتىق باعدارلاماسىنىڭ قىزمەتكەرلەرى.

سيۋجەتتە ايتىلعان وقيعا 22- تامىزدا بولعان. شاقىرتۋ بويىنشا كەلگەن دارىگەرلەر بريگاداسى Rolls-Royce اۆتوكولىگىنىڭ جولىن بوگەگەن. شەتەلدىك كولىكتىڭ يەسى جانجال شىعارىپ، «جەدەل جاردەم» جۇرگىزۋشىسىن ۇرىپ-سوققان. Rolls-Royce قوجايىنىنا بىرنەشە ەر ادام كومەككە كەلەدى. ولاردىڭ ارەكەتىنەن جۇرگىزۋشىگە اراشا تۇسكەن فەلدشەر دە سوققى جەدى.

26-27- تامىز كۇندەرى كورسەتىلگەن «112» باعدارلاماسىندا جۋرناليستەر Rolls-Royce يەسى تۋرالى تولىق اڭگىمەلەمەك بولدى. سيۋجەتتە كۇدىكتىنىڭ ماسكەۋدىڭ 55 جاستاعى تۇرعىنى ەكەنى ايتىلدى. سودان كەيىن قاسىم-جومارت توقايەۆتىڭ سۋرەتى كورسەتىلدى، ال كادر سىرتىنداعى جۇرگىزۋشى «مىنە، مىناۋ - استانانىڭ 55 جاستاعى تۇرعىنى جومارت قامەنوۆ» دەگەن داۋىسى ەستىلدى.

جۋرناليستەر «قازاقستاندىق بيزنەسمەننىڭ ۇيىنە ميليتسيانىڭ ءجيى كەلەتىنىن» ايتتى. سيۋجەتتە ونىڭ كورشىلەرى Rolls-Royce قوجايىنىنىڭ «قىزۋقاندى قازاق» ەكەنىن باياندادى. «مۇندا ميليتسيا اۆتوماتپەن دە كەلىپ، ونى ىزدەگەن»، - دەيدى قامەنوۆتىڭ كورشىسى.

«سوڭعى 10 جىل ىشىندە قازاقستاندىق بەيمالىم بيزنەسمەن استانادا (ماسكەۋ - اۆت. ) كاسىبىن جاقسى دوڭگەلەتتى»، - دەپ اڭگىمەلەيدى رەسەيلىك جۋرناليستەر. ولاردىڭ مالىمەتىنشە، قامەنوۆ - «مەدستروينۆەست» كومپانياسىنىڭ قوجايىنى.

ونىڭ كومپانياسىنىڭ ارقاسىندا جومارت قامەنوۆتىڭ شىن مانىندە ءتۇرى قانداي ەكەنى بەلگىلى بولدى. 2010- جىلى كاسىپكەر «مەدستروينۆەستتىڭ» ماسكەۋدەگى 12- بالالار اۋرۋحاناسىن ءسۇرىپ تاستاعانى جونىندە سۇحبات بەرگەن.

Tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى