نانجيڭ: ەكىنشى التىندى ابىلايحان ءجۇسىپوۆ الىپ بەردى

ءبىرىنشى راۋندتان باستاپ شابۋىلدا ونەر كورسەتۋ جۇيەسىن ۇستانعان جەرلەسىمىز بەلسەندى قيمىلداي باستادى. بىرنەشە سوققىلارى ءدوپ ءتيدى. الايدا ەكىنشى رايۋندتا كۋبالىق بوكسشى دا وسال ەمەس ەكەنىن تانىتتى. قاتارىنان سىلتەگەن بىرنەشە سوققىسى قارسىلاس ەنشىسىنە ۇپاي جازدى. ءۇشىنشى راۋندتا قورعانىستى دا باسا نازارعا الىپ، ۇرىمتال تۇسىن كۇتكەن ابىلايحان قارسىلاسىنا بىرنەشە سوققىسىن دارىتتى. ناتيجەسىندە ەلىمىزدىڭ تۋىن الىپ شىققان بوكسشىمىز ەل ءۇمىتىن اقتادى.

استانا ۋاقىتىمەن ساعات 14:30-دا شارشى الاڭعا 81 كەلىدە ونەر كورسەتەتىن ورەنىمىز ۆاديم كازاكوۆ كوتەرىلەدى. ول وليمپيادا چەمپيونى اتاعى ءۇشىن بولگاريالىق بوكسشى بلاگوي نايدەنوۆپەن جۇدىرىقتاساتىن بولادى. سونىمەن قاتار، ساعات 16:06-دا ەركىن كۇرەستەن مۇحامبەت قۋاتبەك كۋبالىق داتون فيكسپەن التىن جۇلدە ءۇشىن بەلدەسەدى. جەرلەستەرىمىزگە ساتتىلىك تىلەيمىز.

ەستەرىڭىزگە سالا كەتسەك، وسىعان دەيىن دزيۋدودان باۋىرجان جاۋىنتايەۆ التىننان القا تاقسا، اۋىر اتلەتيكادان جاسۇلان قاليەۆ، تاتيانا كاپۋستينا جانە گرەك-ريم كۇرەسىنەن ەۆگەني پوليۆادوۆ قورجىنعا قولا جۇلدەلەر سالعان بولاتىن. ال و باستا ەل قۇراماسى 3 التىن، 3 كۇمىس، 9 قولا جۇلدەنى جەڭىپ الۋدى جوسپارلاعان بولاتىن.

اۆتور: ومىربەك سانسىزباي

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى