فرانسياداعى بۇكىل الەمدىك ات سپورتى جارىسىنا ماڭعىستاۋ ءوڭىرىنىڭ تۇلپارلارى قاتىسادى

قازاقستاننىڭ اتىنان جارىستار كۆاليفيكاتسيالارىندا چەمپيون اتانىپ جۇرگەن ماڭعىستاۋ ءوڭىرىنىڭ جۇيرىكتەرى قاتىسادى. وتانداستارىمىز بۇل ويىندارعا كىرەتىن 8 ات سپورتى ءتۇرىنىڭ ىشىندە قازاقتىڭ ۇلتتىق ات سپورت ءتۇرى - الامان بايگەگە ۇقسايتىن «Endurance»- تان (اعىلشىن تىلىنەن اۋدارعاندا - توزىمدىلىك، شىدامدىلىق) سايسىقا تۇسپەك.

اتاپ ايتساق، ەلىمىزدىڭ نامىسىن «جەزكيىك» اتتى تۇلپارمەن شاباندوز قويشيەۆ ازات؛ «دويدان» تۇلپارىمەن شاباندوز ناتاليا دولگيح؛ مىقىربايەۆ بۇعابايدىڭ «شابدارقاسقاسى»، شاباندوز - مىقىربايەۆ بەكتاس؛ باعدابايەۆ امانعاليدىڭ «جاسقاناتى»، شاباندوز - ەترەكوۆ ءابىش؛ سەرگەي بۋيكيەۆيچتىڭ اراب تۇقىمداس «ارابى»؛ راتوۆ سيسەننىڭ «ويلىسى»، شاباندوز - قويشيەۆ ەسەنامان سىندى شاباندوزدار قورعاماق.

«Endurance» سپورت ءتۇرى بويىنشا شاباندوزدار بەلگىلەنگەن باعىتپەن ءبىر كۇن ىشىندە 160 شاقىرىمعا شابادى. البەتتە، مارەگە العاشقىلاردىڭ ءبىرى بولىپ جەتۋ تىكەلەي ارعىماقتىڭ دەنساۋلىعى مەن بابىنا بايلانىستى. سوندىقتان ءدۇبىرلى دوداعا قاتىساتىن تۇلپارلاردىڭ دەنساۋلىعى ۆەتەرينار- دارىگەرلەردىڭ قاتاڭ باقىلاۋىندا، دەپ حابارلايدى ق ر ۇلتتىق سپورت تۇرلەرى قاۋىمداستىعىنان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى