پۋتين مەن پوروشەنكو بەتپە-بەت كەزدەستى
پۋتين پوروشەنكومەن بولعان كەزدەسۋدى «پوزيتيۆتى» ءجۇردى دەپ، ماسكەۋ بىتىمگەرلىك پروتسەستەردى نىعايتۋ ءۇشىن «بارلىق مۇمكىندىكتى جاسايتىنىن» مالىمدەدى. ول بۇعان قوسا گاز تاسىمالداۋ ماسەلەسىنە قاتىستى كەلىسسوزدەر جۇرگىزۋ تۋرالى دا ۋاعدالاستىق جاسالعانىن ايتتى.
پوروشەنكونىڭ ايتۋىنشا، كيەۆ پەن ماسكەۋ ۋكراينانىڭ شىعىسىنداعى جاعدايدى رەتتەۋدىڭ العىشارتتارىن جاساۋ ءۇشىن ەكى ەلدىڭ شەكارا قىزمەتتەرى جانە بيلىك وكىلدەرى اراسىندا كەلىسسوزدەر باستاۋعا كەلىسكەن.
مينسكىدە مۇنىڭ الدىندا پۋتين، پوروشەنكو، بەلارۋس پرەزيدەنتى الەكساندر لۋكاشەنكو جانە ەۋروپا وداعىنىڭ سىرتقى ساياسات جونىندەگى كوميسسارى كەترين ەشتوننىڭ قاتىسۋىمەن كوپجاقتى كەلىسسوزدەر وتكەن. لۋكاشەنكونىڭ ايتۋىنشا، كوپ ماسەلەدە ماسكەۋ مەن كيەۆتىڭ ۇستانىمدارى ۇيلەسە بەرمەگەندىكتەن، ءتىپتى كەيبىر جاعدايدا تۇبىرىمەن قاراما-قايشى كەلىپ جاتقاندىقتان كەلىسسوزدەر كۇردەلى بولعان. ال كەترين ەشتون كەلىسسوزدەردى «پوزيتيۆتى» دەپ باعالادى.
«ازاتتىق»
