قازاقستان مەن ا ق ش ايماقتىق ىنتىماقتاستىقتى دامىتۋعا مۇددەلى - ق ر س ءى م
بۇل تۋرالى ق ر سىرتقى ىستەر مينيسترلىگىنىڭ باسپا ءسوز قىزمەتىنەن حابارلادى.
ساپار بارىسىندا قازاقستاندىق ديپلومات سپرينگفيلد قالاسىنىڭ ساۋدا پالاتاسىندا ءسوز سويلەپ، جەرگىلىكتى كاسىپكەرلەردى قازاقستاننىڭ قولايلى ينۆەستيتسيالىق ورتاسىمەن، شەتەل كومپانيالارىنا ارنالعان سالىقتىق جەڭىلدىكتەرمەن، ەكونوميكانىڭ باسىمدى دامۋ باعىتتارىمەن تانىستىرىپ، ەلىمىزدە بىرلەسە جۇمىس ىستەۋگە شاقىردى. ءىس-شارا سپرينگفيلد قالاسىنىڭ ءمەرى بوب ستەفەنسەن مەن شتاتتىڭ زاڭ شىعارۋشى ورگانى وكىلدەرىنىڭ قاتىسۋىمەن ءوتتى.
سول كۇنى ەلشى قايرات وماروۆ ميسسۋري مەملەكەتتىك ۋنيۆەرسيتەتىندە قازاقستاننىڭ ەگەمەندىك العانىنان بەرگى تابىستى دامۋىنا توقتالا ءوتىپ، «قازاقستان-2050» ستراتەگياسى اياسىنداعى بولاشاققا دەگەن جوسپارى جونىندە ءدارىس وقىدى. سونىمەن قاتار، ۋنيۆەرسيتەتتىڭ وقىتۋشىلار قۇرامى مەن ستۋدەنتتەرگە «بولاشاق» باعدارلاماسى جونىندە ايتا كەتتى.
دجوپلين قالاسىنىڭ ساۋدا پالاتاسىندا دا قالا ءمەرىنىڭ قاتىسۋىمەن وسىنداي ءىس-شارا وتكىزىلدى.
سونداي-اق ساپار بارىسىندا قازاقستانمەن ىنتىماقتاسۋعا قىزىعۋشىلىق بىلدىرگەن كومپانيالار جەتەكشىلەرىمەن جانە اۋىل شارۋاشىلىعى، ماشينا جاساۋ، حاي-تەك سالالارىنداعى كوشباسشى كاسىپكەرلىكتەردىڭ باسشىلارىمەن كەزدەسۋلەر ءوتتى.
ءوز تاراپىنان، كونگرەسسمەن بيللي لونگ ميسسۋري شتاتىنىڭ قازاقستاننىڭ ايماقتارىمەن جۇمىس ىستەسۋ مۇمكىندىگىن جوعارى باعالاي كەلە، جۋىق ارادا ەلىمىزگە كەلۋگە نيەت ءبىلدىردى.
