قىتايداعى شانحاي ىنتىماقتاستىق ۇيىمىنا مۇشە مەملەكەتتەردىڭ اسكەري وقۋ-جاتتىعۋلارى -فوتو
بىرلەسكەن اسكەري توپتىڭ موتواتقىشتارى، تانكتەر مەن ارتيللەريالىق بولىمشەلەرى ناقتى بەلگىلەنگەن ۋاقىتتا شارتتى تۇردەگى قارسىلاسقا وق جاۋدىرۋ ءۇشىن وزدەرىنىڭ جاۋىنگەرلىك پوزيتسيالارىنا قاراي اتتاندى.
ش ى ۇ قاتىسۋشى مەملەكەتتەر قازاقستان، قىتاي جانە رەسەي اسكەري- اۋە كۇشتەرىنىڭ بولىمشەلەرى اۋە شابۋىلىن قامتاماسىز ەتۋ تاپسىرمالارىن ورىندادى.
قازاقستاندىق ۇشقىشتار، تالدىقورعان اۆياتسيالىق بازاسىنىڭ كومانديرى پودپولكوۆنيك ەرلان ناۋانوۆ جەتەكشىلىك ەتەتىن اۆياتسيالىق بۋىن جاتتىعۋدىڭ ءمانى بويىنشا، ق ح ر مەن ر ف اۆياتسياسىمەن بىرلەسىپ، شارتتى تۇردەگى جاۋدىڭ ارتيللەريالىق پوزيتسيالارىنا شابۋىل جاسادى.
قازاقستان اسكەري اۋە كۇشتەرىنىڭ س-295 ۇشاقتارىنان پاراشيۋتپەن دەسانت ءتۇسىرىلدى. ونى مايور سابىر ەرمەكبايەۆتىڭ باسشىلىعىمەن ق ر ق ك اەروۇتقىر اسكەرلەرى اسكەري قىزمەتشىلەرى جۇزەگە اسىردى.
تاپسىرمانى ورىنداۋ ءۇشىن دەسانتشىلار 800 مەتر بيىكتىكتەن تولىق جابدىقتارىمەن پاراشيۋتپەن سەكىردى.
تاكتيكالىق ەپيزود بويىنشا، «ەلدى مەكەندەگى زاڭسىز اسكەري قۇرىلىمدى قورشاپ الىپ جويۋ» قازاقستاندىق ارنايى ماقساتتاعى بولىمشەنى ەنشىسىنە ءتيدى. مايور كونستانتين پيسكۋنوۆ باسشىلىق ەتەتىن قۇرىلىم شارتتى تۇردەگى جاۋدى تەرروريستەردى عيماراتتان تازارتىپ جويىپ جىبەرۋدى تابىستى ورىندادى.
وقۋ-جاتتىعۋ بارىسىندا دايىندىقتار كۇندەلىكتى جۇرگىزىلدى، ءار كۇن سايىن دايىندىق ساباقتارى كۇشەيىپ، وق دارىلەردى قولدانۋ دا ارتتىرىلدى. بۇگىنگى دايىندىق كەزىندە وق- دارىلەر شىعىنى 100 پايىزدى قۇرادى.
- بىرلەسكەن اسكەرلەر توبى جاقسى ناقتى ءارى قاتەسىز ارەكەت ەتەتىن دايىندالعان قۇرىلىمعا اينالدى. ءاربىر دايىندىق سايىن بولىمشەلەردىڭ ءوزارا ءىس-قيمىلى جەتىلدىرىلە تۇسۋدە، - دەپ اتاپ ءوتتى اەروۇتقىر اسكەرلەرى قولباسشىسىنىڭ ورىنباسارى پولكوۆنيك رۋسلان مۇزدىبايەۆ.
اسكەري بولىمشەلەردىڭ قورىتىندى جاتتىعۋلارى 29- تامىز كۇنى وتكىزىلەتىن شەشۋشى كەزەڭ الدىنداعى دايىندىق بولىپ سانالادى.
«بەيبىت ميسسيا-2014» جاتتىعۋىنىڭ شەشۋشى كەزەڭى كۇنى اۋە پارادى وتكىزىلەدى. پارادتى قازاقستاندىق سۋ-27 جويعىش ۇشاعىنىڭ اۆياتسيالىق بۋىنى اشاتىن بولادى.
