بوكس: گولوۆكين مەن رۋبيو تۇڭعىش رەت كەزدەستى
جۇرگىزۋشىلەردىڭ ءبىرى اتى اڭىزعا اينالعان مەكسيكالىق بوكسشى حۋليو سەزار چاۆەس بولدى - دەپ حابارلايدى allboxing.ru سايتى.
ەستەرىڭىزگە سالا كەتەيىك، ەكى بوكسشىنىڭ جەكپە-جەگى بيىل كۇزدە 18- قازان كۇنى لوس-اندجەلەس قالاسىنىڭ 8 مىڭ ادام سياتىن StubHub Center ارەناسىندا وتەدى.
ماركو انتونيو رۋبيو بۇعان دەيىن جۋرناليستەرگە بەرگەن سۇحباتىندا جەڭىسكە جەتەتىندىگىنە سەنىمدى ەكەندىگىن بىلدىرگەن بولاتىن.
«قازىر گولوۆكيننىڭ رەكوردىنا قاراپ وتىرىپ، ونى ورتا سالماق كاتەگورياسى بويىنشا الەمنىڭ ەڭ مىقتى بوكسشىسى دەۋگە بولادى. ءبىراق 18- قاراشادا الەمدەگى ەڭ ۇزدىك بوكسشى ول ەمەس مەن ەكەنىمدى دالەلدەۋگە مۇمكىندىك بار. مەنىڭشە، گولوۆكين دە مەن سەكىلدى، ءوزىنىڭ سپورتتىق جولىندا ەڭ اۋىر جەكپە-جەككە شىعايىن دەپ جاتىر. بۇل كەزدەسۋدە مەنىڭ تاجىريبەم ۇلكەن ءرول اتقارادى. گولوۆكين رينگتە ءالى مۇنداي تاجىريبەمەن، مۇنداي كۇشپەن ۇشىراسقان ەمەس.
مەنىڭ كاسىپقوي بوكستاعى ەڭ ءۇزدىڭ جەڭىستەرىمنىڭ ءبىرى - دەۆيد لەمەمەن بولعان كەزدەسۋ ەدى. مەن ونى تىزە بۇكتىردىم. مەن سول جولى كوپ نارسەنى ۇيرەندىم. قازىر كارەرامدا تاماشا ۋاقىت تۋىنداعانىن سەزەمىن. مەن قازىر بۇدان 5 جىل بۇرىن كەللي پاۆليكپەن كەزدەسكەن كەزدەگىدەي كۇيدە ەمەسپىن. ەندى مەن الەمدەگى ەڭ ۇزدىك بوكسشى اتانۋىم ءۇشىن ناعىز بابىنداعى گولوۆكيندى جەڭۋىم كەرەك. مەن مىندەتتى ۇمىتكەر بولسام دا ميگەل كوتتو مەنىمەن جۇدىرىقتاسۋدان باس تارتقانىن وزدەرىڭىز بىلەسىزدەر. سول ءۇشىن ءبىز گولوۆكينگە ۇسىنىس جاسادىق. ول كەلىسە كەتتى. دەمەك، الدا تاماشا جەكپە-جەك بولايىن دەپ تۇر» - دەدى رۋبيو.
اۆتور: جاپپاربەرگەن ايبوتا
