قازاقستاندا ءپىل ءوسىرۋ قولعا الىنباق

ەكولوگتار ازيالىق ءپىلدى قازاقستاندا ءوسىرۋ ارقىلى پىلدەردىڭ جويىلىپ بارا جاتقان بۇل ءتۇرىن ساقتاپ قالۋعا كومەك قانا ەمەس، سونىمەن قاتار، تۋريستەردى دە قىزىقتىرۋدىڭ ءبىر ءادىسى بولار ەدى دەۋدە.

ەكولوگ ماعاۋيا سەيسەنوۆ:

-      ازيالىق پىلدەر افريكالىق پىلدەرگە قاراعاندا ۇلكەنىرەك. ولاردىڭ بيىكتىگى 3,5 مەتر بولسا، سالماعى التى توننادان جوعارى بولادى. ازيالىق پىلدەر نەگىزىنەن قالىڭ ءجۇنى بار كۇيىنشە تۋىلادى، الايدا قاتتى ىستىقتىڭ سالدارىنان ول كوپ ۇزاماي ءتۇسىپ قالادى. باتىس قازاقستاندىق قىسقى اۋا رايىنىڭ اسەرىنەن ول جاقتا بۇل پىلدەر وسىرىلەتىن بولسا جۇندەرى قالىڭداي ءتۇسۋشى ەدى، «جالپى ماڭعىشلاق تۇبەگى پىلدەردى وسىرۋگە وتە قولايلى. ولاردىڭ بىرنەشە ءتۇرىن الىپ كەلىپ، ەركىندىككە جىبەرسەك بولعانى. پىلدەردىڭ قازاقستاندا دا ءومىر سۇرە الاتىندىعىنىڭ دالەلى قاراعاندىلىق زووباقتاعى باتىردى مىسال ەتەر ەدىم» دەدى.

سونىمەن قاتار ەكولوگ پىلدەردى اسىراۋ ءۇشىن جىلىنا 30 شارشى كيلومەتر جايىلىم جەتكىلىكتى ەكەندىگىن اتاپ ءوتتى.

بۇدان وزگە، ماعاۋيا سەيسەنوۆ پلەيستوتسەن داۋىرىندە قازاقستان اۋماعىندا مامونتتاردىڭ ءومىر سۇرگەندىگىن دەرەك رەتىندە ۇسىنىپ وتىر.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى