سەمەيدەگى يادرولىق سىناقتار تۋرالى العاشقى بولىپ مۇحتار اۋەزوۆ ايتقان

ەكى جىلدا ءبىر رەت كونگرەس مۇشەلەرى ادامزاتتىڭ ەڭ وزەكتى ماسەلەلەرىن تالقىلاۋعا جينالادى. كونگرەسس جيىنى ءۇش رەت ا ق ش- تا، ەكى رەت جاپونيادا كەزدەستى. ال، 1987 - جىلى دەلەگاتتار ماسكەۋدە جينالعان.

 «الەم دارىگەرلەرى يادرولىق سوعىستى بولدىرماۋ ءۇشىن» حالىقارالىق قوزعالىسىنىڭ پرەزيدەنتتەرىنىڭ ءبىرى كونگرەستى قازاقستاندا وتكىزۋ تۋرالى قازاقستان پرەزيدەنتى نۇرسۇلتان نازاربايەۆقا ۇسىنىس جاساعان بولاتىن.

دۇنيەجۇزىلىك كونگرەسستىڭ دارىگەرلەرى مەملەكەت باسشىسىنىڭ قولداۋىمەن سەمەي پوليگونىن زەرتتەۋگە كىرىستى. سەمەي يادرولىق پوليگونى - ايماقتاعى ءبىرىنشى ءارى ءىرى پوليگون.

وندا 40 جىل ىشىندە 468 سىناق جاسالىپ، 600 دەن اسا يادرولىق جانە تەرمويادرولىق قۇرىلعى جارىلدى. ولاردىڭ جالپى قۋاتى حيروسيماعا تاستالعان بومبادان 2,5 ەسە كوپ.

كوپتەگەن ۋاقىت بويى پوليگون جۇمىسى جاسىرىن بولدى. سەمەي پوليگونىنداعى يادرولىق سىناقتار تۋرالى العاشقى بولىپ مۇحتار اۋەزوۆ 1957 - جىلى توكيوداعى اتوم جانە سۋتەگى بومباسىنا تىيىم سالۋعا ارنالعان حالىقارالىق كونفەرەنتسيادا ايتقان بولاتىن.

سەمەي پوليگونىندا جۇرگىزىلگەن العاشقى زەرتتەۋلەردىڭ ءوزى ايماقتىڭ جوعارى دارەجەدەگى راديواكتيۆتى لاستانۋىن كورسەتكەن. دارىگەرلەرگە اۋرۋلارعا رادياتسياعا بايلانىستى دۇرىس دياگنوز قويۋعا تىيىم سالىندى. سوندىقتان ادامداردى ءتىپتى باسقا اۋرۋدان ەمدەگەن، دەيدى «ۇلتتىق عىلىمي مەديتسينالىق ورتالىقتىڭ» باس ديرەكتورى اباي بايگەنجين.

«قازاقستان»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى