قاسىم-جومارت توقايەۆتىڭ جاڭا كىتابى جارىق كوردى
كىتاپ اتىنا زاتى ساي. وندا ق. توقايەۆتىڭ اعىلشىن، فرانسۋز، ورىس جانە قىتاي تىلدەرىندەگى نەگىزگى ءسوز سويلەۋلەرى، سونىمەن قاتار ب ۇ ۇ باس حاتشىسىنىڭ ورىنباسارى، ب ۇ ۇ جەنيەۆا بولىمشەسىنىڭ باس ديرەكتورى جانە قارۋسىزدانۋ جونىندەگى كونفەرەنتسيانىڭ باس حاتشىسى رەتىندەگى ماقالالارى مەن سۇحباتتارى جاريالانعان.
«ب ۇ ۇ جەنيەۆا بولىمشەسى تاريحىندا (1947- جىلدان 1957- جىلعا دەيىن ول ب ۇ ۇ- نىڭ ەۋروپالىق بولىمشەسى اتانعان بولاتىن) ب ۇ ۇ باس حاتشىسىنىڭ شەشىمىمەن جاڭا پاراق جازىلدى: جاھاندىق اۋقىمداعى ءىس-شارالاردى قامتاماسىز ەتۋمەن اينالىساتىن وسىناۋ ماڭىزدى كەڭسەنى العاش رەت ازيا وكىلى باسقاردى.
مۇنداي مارتەبە 2011- جىلعا دەيىن 1952- جىلعى باسشىلىق جاساعان ءبىر امەريكاندىقتى قوسپاعاندا تەك ەۋروپالىقتاردىڭ ماڭدايىنا بۇيىرعان ەدى»، - دەپ جازادى ق. توقايەۆ كىتاپتىڭ العى سوزىندە.
تۋىندىدا جەنيەۆانىڭ الەمدىك ديپلوماتيانىڭ ورتالىعى رەتىندەگى بىرەگەي ءرولى پاش ەتىلىپ، ب ۇ ۇ جەنيەۆا بولىمشەسى شتاب-پاتەرىنىڭ - ۇلتتار سارايىنىڭ سالىنۋ تاريحىنا قاتىستى قىزىقتى دەرەكتەر كەلتىرىلگەن.
سونداي-اق ق. توقايەۆ باسىلىمعا جازعان العى سوزىندە ب ۇ ۇ جەنيەۆا بولىمشەسىنىڭ باسشىسىنا ب ۇ ۇ- نىڭ كوپتەگەن قىزمەتتەرى مەن وكىلەتتىكتەرى جۇكتەلەتىندىگىن باسا ايتقان. «سوندىقتان دا باس ديرەكتوردىڭ ءاربىر سوزىنە ساياساتكەرلەر، ديپلوماتتار، عالىمدار، جۋرناليستەر جانە ۇكىمەتتىك ەمەس سەكتور وكىلدەرى تارابىنان زور تالاپ قويىلادى»، - دەيدى ول.
اۆتور: مارلان جيەمباي
