الەمدەگى ەڭ ۇزىن ادام قايتىس بولدى

دارىگەرلەر ناۋقاستىڭ ميىنا قان قۇيىلعان دەگەن دياگنوز قويىپتى.

رەكورد يەسى كولحوزدا مال دارىگەرى بولىپ جۇمىس ىستەگەن جانە دەنساۋلىعىنا بايلانىستى وتباسىن دا قۇرماعان ەكەن.

تۋىستارىنىڭ ايتۋىنشا، 12 جاسىندا ستادنيك اۋىر دەرتكە شالدىعىپتى. ونىڭ ميىندا ىسىك پايدا بولىپ، سالدارىنان بوزبالانىڭ بويى توقتاۋسىز ءوسىپ وتىرعان.

سول ۋاقىتتان بەرى ستادنيك بىرنەشە رەت حيرۋرگتەر پىشاعىنا ءتۇسىپ، كۇنى كەشەگە دەيىن ەم قابىلداپ كەلدى. اياعىنىڭ كەيبىر بولىكتەرى ءۇسىپ كەتكەندىكتەن وعان ءبىرىنشى دارەجەدەگى مۇگەدەكتىك تە بەرىلگەن.

ۋكرايندىق الىپ ازامات كوزى تىرىسىندە 70- ولشەمدى جەيدە مەن 62- ولشەمدى اياق كيىم كيگەن دەيدى تانىستارى. بارلىعى دا ارنايى تاپسىرىسپەن تىگىلىپتى. اۋىلداستارىنىڭ ايتۋىنشا، ستادنيك وتە اقكوڭىل جانە قايىرىمدى ازامات بولعان.

ايتا كەتەيىك، لەونيد ستادنيك گيننەستىڭ رەكوردتار كىتابىنا ەنۋدەن 2008- جىلى باس تارتقان بولاتىن. سوندىقتان رەسمي تۇردە بۇل اتاققا تۇرىك ازاماتى سۇلتان كەسەن يە. ول ۋكرايندىقتان 6 سانتيمەترگە قىسقا.

دۋاناباي جولداسبەك

«ايقىن»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى