قازاقستاندا جۇمىس بەرۋشىلەردىڭ جارتىسىنا جۋىعى قىزمەتكەرلەردى عالامتوردان ىزدەيدى
«الەۋمەتتىك سۇراۋدىڭ ناتيجەسىندە جۇمىس بەرۋشىلەردىڭ 44,5 پايىزى جوعارى وقۋ ورىندارىنىڭ تۇلەكتەردى وقىتۋ دەڭگەيىنە قاناعاتتانبايتىندىقتارىن ايتقان. 18 پايىزى ولاردىڭ بىلىمدەرى زاماناۋي تالاپتارعا، ەكونوميكانىڭ سۇرانىسىنا جاۋاپ بەرمەيدى دەپ جاۋاپ بەرگەن. بۇل جۇمىس بەرۋشىلەردىڭ 63 پايىزى جوعارى وقۋ ورىندارىندا ءبىلىم العان تۇلەكتەردىڭ دەڭگەيىنە قاناعاتتانبايدى دەگەن ءسوز»، - دەيدى ول.
ونىڭ ايتۋىنشا، مۇنداي احۋال جوعارى وقۋ ورىندارىنىڭ وقىتۋشىلارىن جانە تالىمگەرلەرىن ويلاندىرۋى ءتيىس. «مۇمكىن ولاردىڭ بەرىپ جاتقان بىلىمدەرى جامان ەمەس شىعار، دەگەنمەن ولار جۇمىس بەرۋشىنىڭ سۇرانىسىنا سايكەس كەلمەيدى. بۇل ماسەلە جوعارى وقۋ ورىندارى مەن جۇمىس بەرۋشىلەردىڭ تىعىز قارىم-قاتىناسىنىڭ ارقاسىندا شەشىلۋى ءتيىس»، - دەپ اتاپ ءوتتى ت. جۇماعۇلوۆا.
سونىمەن قاتار ونىڭ ايتۋىنشا، تۇلەكتەر جۇمىستى ينتەرنەت ارقىلى ىزدەۋگە ماشىقتانۋى كەرەك دەپ ەسەپتەيدى. سەبەبى جۇمىس بەرۋشىلەردىڭ كوپ بولىگى وزىنە قاجەتتى قىزمەتكەرلەردى عالامتورمەن تاباتىن كورىنەدى.
«جۇمىس بەرۋشىلەردىڭ 48 پايىزى جۇمىسشىلاردى ينتەرنەت ارقىلى ىزدەيتىندىگىن باسا ايتقىم كەلەدى. ياعني تۇلەكتەر ءۇشىن پايدالى اقپارات. سونىمەن قاتار جۇمىس بەرۋشىلەردىڭ 28 پايىزى بوس جۇمىس ورىندارى تۋرالى حابارلاندىرۋلاردى تەك وزدەرىنىڭ سايتتارى ارقىلى جاريالايدى. ىزدەۋشىلەر ءۇشىن ىڭعايلى ەمەس. ءبىراق تۇلەكتەرگە ءتۇرلى كومپانيالاردىڭ سايتتارىنا كىرىپ، بوس جۇمىس ورىندارى تۋرالى اقپاراتتاردى ءسۇزىپ وتىرۋى قاجەت»، - دەدى ول.
«كاسىپقور» جاساعان الەۋەمەتتىك ساۋالنامانى ەلدەگى جۇمىس بەرۋشىلەر مەن تۇلەكتەردىڭ ماسەلەسىن زەرتتەۋ جانە ونى شەشۋ ءۇشىن ق ر ءبىلىم جانە عىلىم مينيسترلىگى پايدالاناتىن بولادى.
اۆتور: جاسۇلان جولدىبايەۆ
