ءوز قىزىن ارىقتاتۋ ءۇشىن تاسپا قۇرتتارىن جەگىزگەن

- دەپ حابارلايدى «Gawker».

قىزى ىشتەن قاتتى ءتۇيىلىپ، اۋرۋحاناعا تۇسكەننەن كەيىن اناسى ءوز ارەكەتىن مويىندادى. اۋەلىدە دارىگەرلەر پاتسيەنتتىڭ اياعى اۋىر دەپ ويلاعان، ءبىراق تەكسەرۋ بارىسىندا بولجام دالەلدەنبەدى. ال قىز قۇسقان كەزدە مەدبيكە ۋنيتازدان تاسپا قۇرتتار لەگىن كورگەن.

اناسى قىزىن مەكسيكادان ساتىپ العان قۇرتتاردىڭ دەرناسىلدەرىمەن قورەكتەندىرگەنىن ايتتى. «ءوز ارەكەتىم ءۇشىن وكىنەمىن. تەك قانا قىزىمنىڭ سۇڭعاق بويلى بولعانىن جانە بايقاۋدان جۇلدەلى ورىن العانىن قالاپ ەدىم»، - دەدى ول.

قىزدىڭ اسقازانىندا قۇرتتار كوبەيە تۇسكەن، كەيبىرى ايتارلىقتاي ۇزارعان. دارىگەرلەر قىزدىڭ اعزاسىن ولاردان تازارتۋ ءۇشىن ابدەن تەر توكتى.

تاسپا قۇرتتاردىڭ كومەگىمەن ارىقتاۋ ءادىسى ەرتە زامانداردان بەلگىلى. دارىگەرلەر مۇنداي تاجىريبەنىڭ وتە قاۋىپتى ەكەنىن ەسكەرتەدى.

تاسپا قۇرتتار ادامنىڭ ىشەكتەرىنە جابىسىپ الىپ، قورەكتىك زاتتاردى بويىنا ءسىڭىرىپ وتىرادى. ولاردىڭ كەيبىرى 10 مەترگە دەيىن ۇزارىپ، 20 جىلعا دەيىن ءومىر ءسۇرۋى مۇمكىن.

kaz.tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى