كەدەن كوميتەتىنىڭ بۇرىنعى باسشىسىن قاراعاندىداعى تۇرمەگە اۋىستىردى
بۇل تۋرالى قاراعاندى وبلىسى پروكۋراتۋراسىنىڭ ارنايى پروكۋرورلار باسقارماسىنىڭ باستىعى مۇحامەدكارىم بەكتۇرسىنوۆ حابارلادى.
«قىلمىستىق ءىستى پروكۋراتۋرا قىلمىستىق- اتقارۋ جۇيەسى قىزمەتكەرلەرىنىڭ زاڭسىز ارەكەتتەرى تۋرالى س. بايماعانبەتوۆتىڭ بارلىق دالەلدەرىن تولىقتاي، جان- جاقتى جانە وبەكتيۆتى تەكسەرۋ ماقساتىندا قوزعادى. قازىرگى ۋاقىتتا ارنايى پروكۋرورلار تەرگەۋ جۇرگىزۋدە» ، - دەدى بۇگىن بريفينگتە م. بەكتۇرسىنوۆ.
ول قىلمىستىق ءىس ق ر ق ك 307- بابى - «قىزمەتتىك وكىلەتتىكتى تەرىس پايدالانۋ» بويىنشا قوزعالعانىن ناقتىلادى.
« ءىس بايماعانبەتوۆتىڭ ايعاقتارىندا 2013 - جىلى قاڭتاردا جانە وسى جىلعى ساۋىردە ورىن العان ەكى فاكتى بويىنشا تەرگەلۋدە» ، - دەدى ارنايى پروكۋرورلار باسقارماسىنىڭ باستىعى.
بۇل رەتتە ول سوت- مەديتسينالىق ساراپتاما بايماعانبەتوۆتەن قانداي دا ءبىر دەنە جاراقاتى تابىلماعانىن مالىمدەدى.
«قازىر تەرگەۋ ارقىلى بايماعانبەتوۆتىڭ بارلىق دالەلدەرى تەكسەرىلۋدە. ازىرگە ەشكىم ايىپتالعان جوق. تەرگەۋ ناتيجەسى بويىنشا انىقتالاتىن بولادى» ، - دەپ اتاپ ءوتتى م. بەكتۇرسىنوۆ.
ونىڭ مالىمەتتەرىنە سۇيەنسەك، ق ا ج ك جەكە قاۋىپسىزدىك قىزمەتى بايماعانبەتوۆتىڭ شاعىمى بويىنشا تەكسەرۋ جۇرگىزدى، ونىڭ ناتيجەسى بويىنشا قىلمىستىق ءىس قوزعاۋدان باس تارتىلدى.
«ءىستى تەرگەۋ ءۇش ايعا سوزىلدى. الداعى تەرگەلەتىن ارەكەتتەر كولەمى دە اۋقىمدى. 20 - ماۋسىمنان باستاپ الدىن الا تەرگەۋ كەزەڭىندە بايماعانبەتوۆتى ا ك-159/6 كولونياسىنان قاراعاندى قالاسى № 16 تەرگەۋ وقشاۋلاعىشىنا اۋىستىردى» ، - دەپ حابارلادى ارنايى پروكۋرورلار باسقارماسىنىڭ باستىعى.
ەسكە سالا كەتەيىك، ق ر قارجى مينيسترلىگى كەدەندىك باقىلاۋ كوميتەتىنىڭ بۇرىنعى ءتوراعاسى س. بايماعانبەتوۆكە 2013 - جىلعى قاڭتاردا پارا العانى ءۇشىن قاتاڭ رەجىمدەگى كولونيادا جازاسىن وتەۋ ۇكىمى كەسىلگەن. 2013 - جىلعى قاڭتاردا بۇرىنعى قۇقىق قورعاۋ ورگاندارىنىڭ قىزمەتكەرلەرى قامالاتىن قاراعاندى وبلىسىنداعى اك-159/6 تۇزەۋ مەكەمەسىنە جىبەرىلگەن.
