ادامعا ەمەس ايۋانعا ۇيلەنگەندەر
نەسىن ايتاسىز، «ەركەك بوسانىپ، بالا تۋىپ الىپتى» دەسە دە، ءبىز ءۇشىن ول جاڭالىق ەمەس. سەبەبى، توما بيتي ەسىمدى ترانسسەكسۋال ەركەكتىڭ بالا تۋىپ العانىن ەستىگەنبىز. ەندى ادام مەن ادامدى قويىپ، ادام حايۋانمەن ۇيلەندى دەسە، تاڭعالۋعا بولادى. قوعامنىڭ ازعانى سونشا، مىسىقپەن اۋىز جالاسىپ، يتپەن توسەكتەس بولىپ جاتقانداردى ەستىپ جاتاتىن ەدىك، ەندى سولارىڭ ءىستىڭ اشىعىنا كىرىسىپ، جاھانعا جار سالىپ، دۇركىرەتىپ توي جاساپ جاتقانىنا نە دەر ەكەنسىز؟ ەستىمەگەن ەلدە كوپ. «ادام ازسا، حايۋاننان بەتەر بولادى» دەگەن وسى ەكەن. حايۋانعا كۇيلەپ جۇرگەنىن جاسىرا الماي، جۇرتقا جايعان اۋمەسەرلەردىڭ بۇل ارەكەتى ءتىپتى شەكتەن شىققاندىق شىعار.
سوزىمىزگە تۇزدىق بولۋ ءۇشىن ءبىز سىزدەرگە ادام ەمەس، باسقالارمەن ۇيلەنگەندەردەن ءبىراز مىسال كەلتىرەيىك.
1. اۆستراليالى جوزەف گۋيسو ءوزىنىڭ بەس جاسار حونەي ەسىمدى يتىمەن ۇيلەنگەن. ونىڭ مۇنداي شەشىمىن ەستىگەن تۋىستارى مەن دوستارى شالقاسىنان تۇسكەن. نەكە قيۋ راسىمىندە ءيتتىڭ ۇنسىزدىگىن «كەلىسىمىن بەردى» دەپ تاۋىپ، نەكەلەرىن قيىپ الادى. توي ۇستىندە جوزەف يتىنە «سەن مەنىڭ ەڭ جاقىن دوسىمسىڭ، ءومىرىمنىڭ ءار بولىگىن سەن قۇرادىڭ» دەگەن جىلى لەبىزىن ءبىلدىرىپ، كوپشىلىكتىڭ كوزىنشە سۇيىسەدى.
2. يۋفە ميتتسشەرليح 15 جاسار مىسىعىمەن ۇيلەنەدى. ونىڭ ۇيلەنۋىنە مىسىعىنىڭ اۋرۋى سەبەپ بولعان. ۆەتەرينارعا مىسىعىن تەكسەرتۋگە اپارعان يۋفە ونىڭ سەمىزدىك اۋرۋىنا ۇشىراعانىن، ۇزاق عۇمىر سۇرمەيتىنىن بىلەدى. سويتەدى دە اراداعى ماحابباتتارىن جاريا ەتىپ، توي جاساپ، مىسىققا ولەر الدىندا ءبىر باقىت سىيلاعانداي بولادى.
3. شارون تەندلەر ەسىمدى يەۆرەي ايەل يزرالدەگى دەلفين ساياباعىندا كيندي ەسىمدى ءبىر دەلفيننىڭ ەركەگىنە عاشىق بولادى. ءوزىنىڭ «عاشىعىن» كورۋ ءۇشىن ول بۇل ساياباققا 14 جىل بويى بارىپ تۇرعان ەكەن. سوڭىندا دەلفين ۇيرەتۋشىنىڭ «جەڭگەتايلىعىمەن» شارون دەلفينگە سەزىمىن ءبىلدىرىپ، ۇسىنىسىن ايتىپ، ۇيلەنۋ تويلارىن جاسايدى.
4. 2006 - جىلى چارلز تومب ەسىمى سۋدان ازاماتى ەشكىگە ۇيلەنەدى. چارلز ەشكى باققان بىرەۋگە قارىزدانىپ قالادى. ەشكىنىڭ يەسى سوتقا شاعىمداناتىنىن ايتادى، «بولماسا اقشامدى قايتارىپ، ەشكىلەرىمنىڭ بىرەۋىنە ۇيلەنەسىڭ» دەگەن شارت قويادى. بۇل شاعىمنىڭ ارتى اۋىر جازاعا اكەپ سوعاتىنىن بىلەتىن چارلز امالسىز ەشكىنىڭ يەسىنە «كۇيەۋبالا» بولادى.
5. بۇلار جاندى بولسا، جانسىز نارسەلەرگە دە ۇيلەنىپ جاتقاندار دا بار ەكەن. ماسەلەن، 2008 - جىلى قىتايلىق لي جين گيۋ ءوزىنىڭ جاستىعىمەن ۇيلەنىپ، توي قىپ اتاپ وتكەن. نەسىن ايتاسىز جاستىق- قالىڭدىعىنا تويدا قالىڭدىق كيىمىن دە كيگىزىپ قويعان.
6. ەيجا رييتتا ەسىمدى قىز بەرلين قورعانىنا عاشىق بولىپ، 1979 - جىلى اقىرى ونىمەن ۇيلەنىپ تىنادى. سويتسە، ول بۇل قورعاندى بالا كەزىندە تەلەديداردان كورىپ، ۇناتىپ قالادى ەكەن. ءسويتىپ، ءجيى زيارات ەتىپ تۇرادى ەكەن. سوڭىندا ۇيلەنەدى.. . ءبىراق، بۇل باقىتى كوپكە سوزىلمايدى. 1989 - جىلى قورعان قۇلاتىلادى. حالىق قورعاننىڭ قۇلاتىلعانىنا قۋانسا، ەيجا قايعىعا بۋلىعادى. قازىر ەيجانىڭ قولىندا عاشىعىن ەسكە سالىپ تۇراتىن قورعاننىڭ تەك قيراندى تاستارى عانا قالعان ەكەن.
7. جالپى، قانداي دا ءبىر نىساناعا باعىنىشتى بولۋ، وعان دەگەن ماحاببات سەزىمىنىڭ ويانۋىن «وبەكتوفيليا» دەيدى. تاعى ءبىر وسىنداي دەرتكە ۇشىراعان جان فرانتسيادا بولعان ەكەن. ەريكا لابريە ەسىمدى فرانتسۋز ايەل ەيفەل مۇناراسىنا عاشىق بولىپتى. سوڭىندا ۇيلەنىپ، فاميلياسىن «كۇيەۋىنىڭ» اتىنا اۋىستىرىپتى. قازىر ايەلدىڭ ەسىمى «ەريكا لابريە» ەمەس، «ەريكا ەيفەل» .
اۆتور: سالتان سايران ۇلى
«الاش ايناسى»
