قازاقستان بيزنەسمەندەرى سۋديالاردىڭ جۇمىسىن جەڭىلدەتپەك
بۇگىن جوعارعى سوتتاعى سەلەكتورلىق كەڭەستە ۇلتتىق كاسىپكەرلەر پالاتاسىنىڭ باسقارما ءتوراعاسى ابىلاي مىرزاحمەتوۆ وسىلاي ءمالىم ەتتى.
«سالىقتىق، كەدەندىك، سونداي-اق مەملەكەتتىك ورگانداردىڭ كاسىپكەرلەرمەن ءوزارا قارىم-قاتىناسىنا بايلانىستى كوپتەگەن داۋ-دامايدان بوساتۋ كەرەك ەكەنىن كورىپ وتىرمىز. بۇنداي وتىنىمدەردىڭ سانى ارتىپ كەلە جاتىر»، - دەدى ا. مىرزاحمەتوۆ.
ونىڭ پايىمىنشا، كەيبىر ىستەردى سوتقا دەيىنگى رەتتەۋگە بەرۋ جەڭىل بولادى. وسى يدەيانى جۇزەگە اسىرۋ ءۇشىن حالىقارالىق تاجىريبە زەرتتەلۋدە.
ونىڭ سوزىنە قاراعاندا، بۇل باعىتتاعى ماسەلەلەر تولىق ايقىندالدى جانە جىل سوڭىنا دەيىن مەملەكەت باسشىسىنىڭ تاپسىرماسى بويىنشا سالىقتىق پەن كەدەندىك سالاداعى سوتقا دەيىنگى اپەللياتسيانىڭ تەتىگى ەنگىزىلمەك.
اۆتور: رۋسلان عابباسوۆ
