ەلوردادا «الەم دارىگەرلەرى يادرولىق سوعىستى بولدىرماۋ ءۇشىن» كونفەرەنتسياسى ءوتىپ جاتىر
وعان الەمنىڭ 9 مەملەكەتىنىڭ مەديتسينالىق ج و و دارىگەرلەرى مەن ستۋدەنتتەرى قاتىسۋدا. ەسكە سالايىق، 14- تامىزدا قاتىسۋشىلار ۆەلوسيپەدپەن سەمەيدەن استاناعا جول تارتقان بولاتىن. ولار جول بويىندا قالالار مەن اۋىلدىق ەلدى-مەكەندەرگە توقتادى.
قاتىسۋشىلار 27-28- تامىزدا ХХІ دۇنيەجۇزىلىك كونگرەستىڭ جۇمىسىنا قاتىسادى، دەلىنگەن حابارلامادا. ХІ بۇكىل الەمدىك «الەم دارىگەرلەرى يادرولىق سوعىستى بولدىرماۋ ءۇشىن» كونگرەسىنە 50 ەلدەن دەلەگاتتار قاتىسادى.
29- تامىز - سەمەي يادرولىق پوليگونىنىڭ جابىلعان كۇنى. بۇل - قازاقستان ءۇشىن ماڭىزدى وقيعا. 23 جىل بۇرىن پوليگوندا بارلىق سىناقتار توقتاتىلدى. مەملەكەت باسشىسى نۇرسۇلتان نازاربايەۆ پەن بارشا قازاقستان حالقىنىڭ يادرولىق قارۋدى جويۋ نيەتى جۇزەگە استى.
