نۇرسۇلتان نازاربايەۆ قازاقستاندى الەمگە، ال الەمدى قازاقستانعا اشىپ بەردى - «يسااكيەۆ سوبورلارىنىڭ» ديرەكتورى

«شيرەك عاسىرعا جەتەر-جەتپەس ۋاقىتتىڭ ىشىندە الەم بويىنشا جوعارى بەدەلگە يە بولعان قازاقستان پرەزيدەنتى نۇرسۇلتان نازاربايەۆ قۇرلىقتىڭ قاق ورتاسىنان اۋقاتتى دا اۋقىمدى ەلدىڭ جاڭا ەلورداسىن - سالتاناتى مەن ءسانى جاراسىمدى استانانى سالدى. استانانى سالىپ جاتىپ، ول مىقتى، قارقىندى جانە بۇكىل دۇنيەجۇزىنە اشىق ەلدىڭ بولاشاعىن كوردى.

ول قازاقستاندى الەمگە، ال الەمدى قازاقستانعا اشىپ بەرگەن تۇلعا. استانا مەملەكەتتىڭ جارقىن بولاشاعىنىڭ سيمۆولىنا اينالدى»، - دەدى ول بۇگىن ق ر تۇڭعىش پرەزيدەنتى مۇراجايىنىڭ 10 جىلدىعانا ارنالعان «قازىرگى قوعامداعى مۋزەي. جاڭا دامۋ جولدارىن ىزدەستىرۋ» حالىقارالىق عىلىمي-تاجىريبەلىك كونفەرەنتسياسىندا.

ونىڭ سوزىنە قاراعاندا، ق ر تۇڭعىش پرەزيدەنتىنىڭ مۇراجايى بارشا الەمنەن اكەلىنگەن قۇندى جادىگەرلەردى ساقتاۋدا.

«مۇراجاي كەرەمەت. ول جاس، دەگەنمەن سوعان قاراماستان، «اقىلدى» ءارى زاماناۋي. مۇراجايدىڭ ءىشى عالامات ەنەرگەتيكاعا تولى. ءتۇرلى مەملەكەت باسشىلارى سىيعا تارتقان وتە قۇندى ەكسپوناتتار مەنىڭ كوڭىلىمە ەرەكشە قىزىعۋشىلىق دارىتتى. مەنىڭشە، كەزىندە سولاردىڭ ەشبىرىن جوعالتپاي، وسىندا ساقتاۋ جونىندەگى شەشىم وتە دۇرىس قابىلدانىپتى»، - دەيدى ن. بۋروۆ.

بۇنىڭ الدىندا حابارلانعانىنداي، قازاقستان رەسپۋبليكاسىنىڭ تۇڭعىش پرەزيدەنتى مۇراجايىنىڭ 10 جىلدىعىنا وراي «قازىرگى قوعامداعى مۋزەي. جاڭا دامۋ جولدارىن ىزدەستىرۋ» حالىقارالىق عىلىمي-تاجىريبەلىك كونفەرەنتسياسى وتكەن بولاتىن. حالىقارالىق عىلىمي-تاجىريبەلىك كونفەرەنتسيا جۇمىسىنا قازاقستان رەسپۋبليكاسىندا اككرەديتتەلگەن ديپلوماتيالىق وكىلدىكتەردىڭ، مەملەكەتتىك ورگانداردىڭ، الىس جانە جاقىن شەت مەملەكەتتەردىڭ عىلىمي جانە مۇراجاي قاۋىمداستىعىنىڭ وكىلدەرى قاتىستى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى