اسەت يسەكەشەۆ استانا-تەمىرتاۋ كۇرە جولىنىڭ قۇرىلىس بارىسىمەن تانىستى

استانا-تەمىرتاۋ اۆتوجولىنىڭ ۇزىندىعى - 171 شاقىرىم. جوبا بويىنشا ول 1- ساناتتاعى 4 قاتارلى بەتوندى جولعا اۋىستىرىلادى.

«اۆتوجولداعى قۇرىلىس جۇمىستارى 2013- جىلى ۇزىندىعى 22 شاقىرىمدىق 2 ۋچاسكەدە باستالعان بولاتىن. قازىرگى ۋاقىتتا جالپى ۇزىندىعى 109 شاقىرىمدىق 5 ۋچاسكەدە جۇمىستار جۇرگىزىلۋدە. قۇرىلىس جۇمىستارىن 5 مەردىگەر مەكەمە ءىس اتقارۋدا، جول-قۇرىلىس تەحنيكاسىنىڭ 640 بىرلىگى، 5 بەتون توسەۋ كەشەنى مەن 5 زاۋىت جۇمىلدىرىلعان. 1 مىڭنان استام ادام جۇمىسقا تارتىلعان. اعىمداعى جىلدىڭ قىركۇيەگىندە تاعى ەكى ۋچاسكەدە مەردىگەرلەر انىقتالىپ، اۆتوجول تۇگەلدەي قۇرىلىس جۇمىستارىمەن قامتىلاتىن بولادى»، - دەلىنگەن حابارلامادا.

جىلدىڭ اياعىنا قاراي العاشقى 12 شاقىرىم جول پايدالانۋعا بەرىلەدى دەپ كۇتىلۋدە. جوبانى اياقتاۋ تولىعىمەن 2016- جىلعا جوسپارلانعان. كەڭەس قورىتىندىلارى بويىنشا اسەت يسەكەشەۆ جۇمىس قارقىنىن ۇلعايتۋدى، ساپا باقىلاۋىن قاتاڭداتۋدى جانە بۇكىل ۋچاسكە بويىنشا قاۋىپسىز قوزعالىستى قامتاماسىز ەتۋدى تاپسىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى